काठमाडौँ । नेपालमा गएको २४ घण्टामा ९ हजार २४७ जनामा कोरोना भाइरसको सङ्क्रमण पुष्टि भएको छ । २२ हजार ८७ जनाको परीक्षण गर्दा सो सङ्ख्यामा सङ्क्रमित भेटिएका स्वास्थ्य तथा जनसङ्ख्या मन्त्रालयले जनाएको छ ।

कोरोनाका कारण आज थप २१४ जनाको मृत्यु भएको छ । नेपाली सेनाले विभिन्न मितिमा सङ्कलन गरेको शवको विवरणसहित मृतकको सङ्ख्या उल्लेख गरिएको मन्त्रालयले जनाएको छ ।

योसहित नेपालमा कोरोनाका कारण ज्यान गुमाउनेको सङ्ख्या ५ हजार २१५ पुगेको छ ।

यस्तै, आज ५ हजार ६७६ जना सङ्क्रमणमुक्त भएका छन् । नेपालमा आजसम्म ३ लाख ४५ हजार ५२३ जना सङ्क्रमणमुक्र भएको मन्त्रालयले जनाएको छ ।

हालसम्म सङ्क्रमितको सङ्ख्या ४ लाख ६४ हजार २१८ पुगेको छ ।