केपि बिरही (युएई), रामप्रसाद पराजुली (कतार) ।
वैदेशिक रोजगारीको शिलाशिलामा विभिन्न देशमा पुगेका नेपालीहरुले अन्तर्राष्ट्रिय मजदुर दिवस मनाएको समाचार प्राप्त भएको छ । मे १ अर्थात् वैशाख १८ गते नेपालीहरुले १३२ औँ श्रमिक दिवस विविध कार्यक्रम गरी मनाएका छन् ।

ढिलो गरी प्राप्त समाचार अनुसार युएई नेपाली एकता समाज र कतार नेपाली एकता समाजले छुट्टाछुट्टै रुपमा भर्चुअल माध्यमबाट श्रमिक दिवस मनाएका छन् । त्यस क्रममा समाजका नेताहरुले मजदुर दिवसको महत्व, देशको अवस्था तथा श्रमजिवी वर्गको भूमिका लगायतका विषयमा आफ्ना धारणा राखेका थिए ।

युएई
युएई नेपाली एकता समाज केन्द्रीय समितिको आयोजनामा मनाइएको अजदुर दिवसको भर्चुअल कार्यक्रममा समाजका वरिष्ठ सल्लाहकार लेखनाथ अधिकारीले मे दिवसको शुभकामना दिँदै मजदुर दिवसको महत्वमाथि प्रकाश पार्नुभएको थियो । मजदुरहरुको संघर्ष पूँजिपती दलाल र नोकरशाहहरुसँग हुने भएकोले यिनिहरु लागाएत यिनका आशे पाशेहरु पनि मजदुरहरुका मित्र हुन नसक्ने भन्दै मजदुरले सबभन्दा पहिला आफ्नो मित्र र दुश्मन छुट्टाउनु जरुरी हुन्छ भन्नुभयो ।

साथै उहाँले देशको राष्ट्रिय राजनीतिको चर्चा गर्दै पूँजिवादको चरम रुप साम्राज्यवाद भएकोले उसका नीति तथा कार्यक्रम लिएर संसद भवन छिर्ने कुनै पनि शक्ति मजदुर हरुको मित्र हुन सक्दैन र देशभक्त हुन नसक्ने ठोकुवा गर्नुभयो ।

कार्यक्रममा विशेष अतिथि महिला विभाग केन्द्रीय समितिकि अध्यक्ष बिनु केसी तथा अन्य अतिथिहरु समाजका केन्द्रीय सदस्य चुडामणी शर्मा, केन्द्रीय सदस्य तथा रक्तिम विभाग इन्चार्ज राम अविरल, दुबई क्षेत्रीय समितिबाट दुर्गा नेपाली चेली, आबुधाबी क्षेत्रीय समितिबाट अर्जुन खनाल, रक्तिम विभागबाट मिना घिमिरे, महिला विभाग दुबई क्षेत्रबाट अध्यक्ष शान्ता बेलबासे, महिला विभाग आबुधाबी क्षेत्रबाट अध्यक्ष खिममाया तिवारी, सीता थापा, सावित्रा घर्ती क्षेत्रीले पनि शुभकामना मन्तव्य राख्नुभएको थियो।

समाजका कार्यवाहक अध्यक्ष दिनेश थापाको अध्यक्षता तथा महासचिव टिकाराम नेपालीको सन्चालनमा आघी बढेको उक्त कार्यक्रममा सचिव केपि विरहीले स्वागत गर्नुभएको थियो ।

कतार
कतार नेपाली एकता समाजले पनि भर्चुअल माध्यमबाटै अन्तर्राष्ट्रिय श्रमिक दिवस मनाएको छ ।

कार्यक्रममा अन्तर्राष्ट्रिय नेपाली एकता समाजका महासचिव लुमाकान्त पुनले आठ घण्टा काम, आठ घण्टा आराम र आठ घण्टा मनोरञ्जनको लागि १ सय ३२ वर्षअघि अमेरिकी शहर शिकागोमा भएको मजदुर आन्दोलन सफल भएको दिनलाई सम्झँदै हरेक वर्ष मे १ मा अन्तर्राष्ट्रिय श्रमिक दिवस मनाउदै आएको बताउनुभयो । उहाँले यसको महत्वबारे स्पष्ट पार्दै विश्व मजदूर दिवसका अवसरमा मानव समाजको सुरुवातदेखि स्वतन्त्रता मानवअधिकार विधिको शासन र लोकतन्त्रका लागि भएका थुप्रै संघर्ष मध्ये मजदूर आन्दोलनको विशेष महत्व राख्ने बताउनुभयो ।

समाजका अध्यक्ष बिष्णु थापाले मजदुरको प्रतिनिधित्व, सामाजिक सुरक्षाको व्यवस्था र श्रम कानुन सुधार लगायतका संविधानमै महिला, आदिवासी जनजाति, दलित र पिछडिएका वर्ग जस्तै मजदुर वर्गको पनि समान प्रतिनिधित्व हुनुपर्नेमा माग गर्नुभयो । उहाँले मजदुरहरूले स्वच्छ श्रम सम्बन्ध र सामाजिक सुरक्षाका लागि पनि आवाज उठाउनु पर्नेमा जोड दिनु भएको थियो ।

कार्यक्रममा समाजका उपाध्यक्ष अमिना खान, महिला संयोजक जानुका बस्नेत, बुद्धिजिवी विभागका संयोजक हरिप्रसाद शर्मा, रक्तिम विभागका अध्यक्ष बलदेब राना, केन्द्रीय सदस्यका थम्मन पुन, हुमाकान्त आचार्य, अल्खोर एरिया समितिका अध्यक्ष दिपेश भन्डारी, सनैया ‘सि एरिया समितिका अध्यक्ष भुपेन्द्र चन्द, सनैया ‘डि’ एरिया समितिका अध्यक्ष टेकराज थापा, सलाता एरियाका अध्यक्ष मिनबहादुर विक, दोहा एरिया समिति अध्यक्ष गिरी काउछा, पत्रकार उदब मगरलगायतको आतिथ्यता रहेको थियो ।

समाजका सचिव रामप्रसाद पराजुलीको सन्चालन तथा कार्यबाहक अध्यक्ष खिम बुढाको अध्यक्षता बाट सुरु भएको कार्यक्रममा कोषाध्यक्ष लक्ष्मण कोईरालाले स्वागत गर्नु भएको थियो ।