नयाँ दिल्ली । मूल प्रवाह अखिल भारत नेपाली एकता समाल पूवी भारत क्षेत्रीय समितिको आयोजनामा १३२औँ अन्तर्राष्ट्रिय श्रमिक दिवस मनाइएको छ।

मे १ तारिख (शनिबार) आयोजित कार्यक्रममा मूल प्रवाहका उपाध्यक्ष कपिल खनालले मई दिवस र देशको बर्तमान परिस्थिति तथा मजदुरका समस्या बारेमा धारणा राख्नुभएको थियो ।

यस्तै, मूल प्रवाहका केन्द्रीय सदस्य हेमकुमार थापा, क्षेत्रीय सदस्य धनराज भुसाल, भुवनेश्वरबाट रेकम जिसी, कलकत्ताबाट रामबहादुर जिसी, कटक बाट बिष्णु श्रीनेत लगायतले पनि आ–आफ्ना विचार राख्नुभएको थियो ।

हरिप्रसाद शर्माको अध्यक्षता तथा बिष्णु श्रीनेतको सञ्चालनमा सम्पन्न कार्यक्रममा स्वागत मन्तब्य जंगबहादुर सुनारले गर्नु भएको थियो ।