काठमाडौँ । अखिल नेपाल किसान महासङ्घ (अप्फा) का बाँके जिल्ला सदस्य तथा कोहलपुर नगरपालिका–१ मा राष्ट्रिय जनमोर्चाका पार्टी प्रतिनिधि ऋषिराम लामिछानेको स्वास्थ्य सुधारोन्मुख देखिएको छ ।
उहाँका जेठा छोरा राजमो नेता पर्शुराम लामिछानेले दिनुभएको जानकारीअनुसार ऋषिरामलाई फोक्सोसम्बन्धी समस्या देखिएपछि अस्पताल भर्ना गरिएको थियो ।
पहिले धुम्बाराहीस्थित ह्याम्स अस्पताल भर्ना भएका लामिछानेलाई त्यहाँ आइसियु बेडको अभाव भएको बताइएपछि चिरायु अस्पतालमा भर्ना गरिएको थियो । त्यहाँको अस्पताल प्रशासनले पनि आफूकहाँ फोक्सोको विशेषज्ञ डाक्टर नभएको बताएपछि ऋषिरामलाई केएमसी अस्पताल पुर्याइएको थियो ।
केएमसीमा तीन दिन आइसियुमा राखेर उपचार गरेपछि उहाँको स्वास्थ्यमा सुधार आएको हो । त्यससँगै उहाँलाई हाल उच्च सतर्कतायुक्त क्याबिन (हाइकेयर) मा राखेर उपचार भइरहेको छ ।
छोरा पर्शुरामका अनुसार यतिखेर ऋषिरामले खाना खान थाल्नुभएको छ भने स्वास्थ्यसम्बन्धी अन्य समस्या सुधारोन्मुख रहेको छ ।
ऋषिराम लामिछानेका तीन छोराहरू जेठा पर्शुराम लामिछाने, माइलो शङ्कर लामिछाने र कान्छो शरद लामिछाने तथा दुई छोरीहरू दुर्गा शर्मा र नारायणी काफ्ले रहेका छन् ।
