खिमराज चालिसे, चंडिगढ ।
मूल प्रवाह अखिल भारत नेपाली एकता समाजका केन्द्रीय कोषाध्यक्ष रुकबहादुर केसीको असमायिक निधन भएपछि मूल प्रवाहले भारतब्यापी शोक सप्ताह मनाइरहेको छ । विभिन्न नगर समितिहरुले आफ्ना प्रिय नेताको स्मृतिमा प्रत्यक्ष वा भर्चुआल माध्यमबाट शोक सभाहरु आयोजना गरी श्रद्धाञ्जली प्रकट गरिरहेका छन् ।
यसै क्रममा मूल प्रवाह सुदूरपश्चीमोत्तर क्षेत्रको चंडिगढ नगर समितिले प्रत्यक्ष कार्यक्रम गरि शोकसभा सम्पन्न गरेको छ ।
कार्यक्रममा वक्ताहरुले नेता केसीको निधनले संगठनमा पुग्न गएको अपूरणीय क्षतिको पूर्ती गर्न र दुःखद समयमा शोकलाई शक्तिमा बदल्न सबै नेता कार्यकर्ताहरुले अझ सक्रियतापूर्वक संगठन निर्माण कार्यमा जुट्नुपर्ने धारणा राखेका थिए ।
शोकमन्तव्य दिने वक्ताहरुमा मूल प्रवाहका केन्द्रीय सदस्य दिनेश खडका, विद्यार्थी संघका केन्द्रीय सदस्य विष्णु बेल्वासे, जनजाति विभागका थमन थापा, समता विभागका लिला विक, रक्तिम विभागका दुर्गा विक, मोहाली एरियाबाट बालाराम न्यौपाने, इन्डस्ट्रियल एरियाबाट थानेश्वर पाण्डे, सिटि एरियाबाट अर्जुन विक, मध्यसिटि एरियाबाट लक्ष्मण पाण्डे लगायत हुनुहुन्थ्यो ।
कार्यक्रम नगर अध्यक्ष मानबहादुर केसीको अध्यक्षतामा तथा सचिव तेजबहादुर रोकाको सञ्चालनमा सम्पन्न भएको थियो ।
