खिमबहादुर विक, मध्य दक्षिण भारत ।
अन्तर्राष्ट्रिय ऐक्यबद्धताका लागीनेपाली जनताको मञ्च, मूल प्रवाह अखिल भारत नेपाली एकता समाज मध्य दक्षिण भारत क्षेत्रीय समितिको आयोजिामा सर्वहारा वर्गका महान नेता तथा अक्टोवर समाजवादी क्रान्तीका नायक लेनिनको १५२औँ जन्मदिवस र नेपाल कम्यूनिष्ट पार्टीको ७३औँ स्थापना दिवस मनाइएको छ ।
भर्चुअल माध्यमबाट मनाइएको सो कार्यक्रममा राष्ट्रिय जनमोर्चाका नेता आनन्द शर्माको प्रमुख आतिथ्यता रहेको थियो । कार्यक्रमलाई सम्बोधन गर्दै नेता शर्माले लेनिनले प्रतिपादन गरेको संगठनात्मक पद्धतीले प्रतिक्रियावादी तथा अवसरवादीहरुसँग संघर्ष गरेर समाजवाद स्थापना गर्न प्रेरणा दिने बताउनुभयो ।
कार्यक्रममा मूल प्रवाह अखिल भारत नेपाली एकता समाजका महासचिव ठाकुर खनाल, केन्द्रीय सचिव प्रेम पौडेल, केन्द्रीय सल्लाहकार तथा नेपाली समाचारका सहसम्पादक धनवीर पुन, मध्य दक्षिण क्षेत्रीय समितिका सदस्य के. रतनसिंह, अखिल नेपाल जनजाती सम्मेलनका अध्यक्ष निमबहादुर बुढा, अखिल नेपाल किसान महासंघका उपाध्यक्ष चन्द्रबहादुर केसी, साइप्रस नेपाली एकता समाजका अध्यक्ष देवेन थापा, हङकङ नेपाली एकता समाजका अध्यक्ष शक्तमान बुढाथोकी, कुवेत नेपाली एकता समाजका महासचिव खुम रायमाझी, स्पेन नेपाली एकता समाजका अध्यक्ष दुर्गा शर्मा, साउदी अरब नेपाली एकता समाजका अध्यक्ष राजकुमार धितालको आतिथ्यता रहेको थियो ।
मूल प्रवाहका क्षेत्रीय सचिव खिमबहादुर विकको अध्यक्षता तथा कोषाध्यक्ष तिलक रानाको सञ्चालनमा अघि बढेको कार्यक्रममा सदस्य घनश्याम शर्माले स्वागत गर्नुभएको थियो ।
