जनकराज पौडेल, पाण्डिचेरी ।
दक्षिण भारस्थित पाण्डिचेरीमा सर्वहारा वर्गका महान नेता तथा अक्टोवर समाजवादी क्रान्तीका नायक लेनिनको १५२औँ जन्मदिवस र नेपाल कम्यूनिष्ट पार्टीको ७३औँ स्थापना दिवस मनाइएको छ ।
अन्तर्राष्टिय ऐक्यबद्धताको लागि नेपाली जनताको मञ्च नगर समिति पाण्डिचेरीको आयोजनामा बिहीबार सो कार्यक्रम आयोजना गरिएको थियो ।
कार्यक्रमलाई सम्बोधन गर्दै मूल प्रवाह अखिल भारत नेपाली एकता समाज केन्द्रीय सदस्य भगवती कूँवरले कम्यूनिष्ट पार्टी र र लेनिनवादको नाम भजाएर दक्षिणपन्थी अवसरवाद र उग्र वामपन्थी भड्काउले सिंगो कम्युनिष्ट आन्दोलनलाई क्षति पुर्याएको भन्दै सर्वहारा वर्गप्रति ईमान्दारी पूर्वक काम गर्न दुवै खाले भड्काउको विरुद्ध वैचारिक प्रतिवाद आवाश्यक रहेको बताउनु भयो ।
परिषद सदस्य चन्द्रकान्त शर्माले लेनिनको जीवनीसहित नेकपाको स्थापना, पृष्ठभूमि तथा वर्तमान नेपालको कम्यूनिष्ट आन्दोलनमा देखिएका असंगतिबारे प्रकाश पार्नु भएको थियो।
कार्यक्रम सफलताको शुभकामना दिनेहरुमा समता विभागबाट सूर्य गायक, मुदलिएर पेट एरियाबाट रवि पौडेल, हुनुहुन्थ्यो ।
जनकराज पौडेलको अध्यक्षता तथा सचिव गोविन्द शर्माको सञ्चालनमा अघि बढेको कार्यक्रममा नगर सदस्य गंगाराम आचार्यले स्वागत गर्नु भएको थियो । कोभिड–१९ को विषम परिस्थितिमा पनि प्रत्यक्ष कार्यक्रमको आयोजना गरिएको थियो ।
