काठमाडौं । गएको २४ घण्टामा नेपालमा थप २४ सय २८ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार १० हजार एक नमुनको पीसीआर तथा ४४७ एन्टिजेन परीक्षणका क्रममा सो संख्यामा कोरोना संक्रमण पुष्टि भएको हो ।

आज थप ८ जनाको कोरोना संक्रमणका कारण ज्यान गएको मन्त्रालयले जनाएको छ । गएको २४ घण्टामा तीन जनाको मृत्यु भएको छ भने २४ घण्टाभित्र पाँच जनाको मृत्यु भएको रिपोर्ट प्राप्त भएको मन्त्रालयले जनाएको छ । यो सहित नेपालमा कोरोनाका कारण मृत्यु हुनेको संख्या तीन हजार ११७ पुगेको छ ।

नेपालमा हालसम्म २३ लाख ७९ हजार ४०२ जनाको परीक्षण गरिएकोमा दुई लाख ९२ हजार १५२ जनामा कोरोना संक्रमण पुष्टि भएको छ ।