चेन्नई । मूल प्रवाह अखिल भारत नेपाली एकता समाज दक्षिण भारत क्षेत्रीय समितिको कार्यबाहक अध्यक्षमा चन्द्रबहनदुर थापा चयन हुनुभएको छ ।
१८ अप्रिलमा बसेको समितिको ११ औँ बैठकले थापालाई कार्यबाहक अध्यक्ष चयन गर्नुका साथै क्षेत्रीय समिति मातहत रहेका महिला, रक्तिम, समता, जनजाति, खेलकुद लगायतका विभागको पुनर्गठन गरिएको सचिव जनक पौडेलद्वारा जारी विज्ञप्तिमा जनाइएको छ ।
विज्ञप्तिमा क्षेत्रीय समिति अन्तर्गत कैयौं सदस्यहरु एवं कैयौं नेपाली श्रमजिवीहरुलाई कोरोना संक्रमण भएको हुँदा उहाँहरुको शिघ्र स्वास्थ्यलाभको कामना गरिएको छ । साथै कोरोना महामारीबाट बच्नको लागि विश्व स्वास्थ्य संगठन तथा सरकारद्वारा जारि गरिएका मार्गदर्शक सावधानीहरु अपनाउन अनुरोध गरिएको छ ।
यस्तै, नेपालीहरुमाथि आईपर्ने समस्यामा सहयोग गर्न मूल प्रवाह अखिल भारत नेपाली एकता समाज दक्षिण भारत क्षेत्रीय समिति अन्तर्गतका सम्पूर्ण सदस्य एवं समितिहरु लगायत अन्य संघ संस्थाहरुलाई पनि अपिल गरिएको छ ।
मूल प्रवाहले क्षेत्रीय सदस्यद्वय लक्ष्मी पन्थी र बाबुराम नेपाली स्थायी रुपमा स्वदेश जानुभएको हुँदा संगठनमा उहाँहरुले आजसम्म पुर्याउनु भएको योगदानप्रति धन्यवाद दिँदै विदाई गरेको छ ।
साथै सांगठनिक अनुशासन उल्लंघन गरेका कारण उमानन्द आचार्य, हेमराज रिजाल, ज्योतिनारायण सुवेदी र वैकल्पिक सदस्य सूर्यबहादुर थापालाई क्षेत्रीय समिति तथा सबै तहका समिति एवं विभागीय जिम्मेवारीबाट मुक्त गरिएको छ ।
