धर्म सुनार, रोहतक ।
मूल प्रवाह अखिल भारत नेपाली एकता समाज नगर समिति अन्तर्गत महिला विभागको भेला सम्पन्न भएको छ । भेलाले सिता परियारको अध्यक्षतामा १९ सदस्यीय महिला नगर विभाग गठन गरेको छ ।

समितिको सचिव मिना गौतम र कोषाध्यक्ष उषा विक चयन हुनुभएको छ । त्यस्तै सदस्यहरुमा सोनिया बेलवासे, सरिता बस्याल, माया नेपाली, कल्पना परियार, सावित्रा दमासे, लक्ष्मी थापा, तारा गौतम र बिमला विक तथा वैकल्पिक सदस्य मिना नेपाली, निशा थापा, मिना परियार, कमला पौडेल, मिनाक्षी विक रहनुभएको छ भने सल्लाहाकारमा सदस्य देवी खरेल, सिता नेपाली र कविता सुनार चयन हुनुभएको छ ।

नगर सदस्य उषा विक र सिता परियारको पहल र क्षत्रीय सदस्य मोहनसिंह विकको विशेष उपस्थितिमा सो भेला आयोजना गरिएको हो । कार्यक्रमको अध्यक्षता माया नेपाली र सञ्चालन उषा विकले गर्नु भएको थियो भने सिता परियारले स्वागत गरनुभएको थियो ।

भेलामा प्रमुख अतिथि मोहनसिंह विकले देशको तात्कालिक स्थिति र भारतमा संगठनको आवश्यकताबारे बताउनुभएको थियो । उहाँले अहिले नेपालमा राजनीतिक खिचातानी र त्यसमाथि कोरोना महामारीले देश र जनतालाई चिन्तित बनाएको भन्दै भारतस्थित नेपालीहरु अभिभावकको भूमिका निभाउने संगठन एकता समाजमा आवद्ध हुनुपर्ने बताउनुभयो । भारतमा समेत श्रमजीवी नेपालीहरुको अवस्था दयनीय भएको उहाँको भनाई थियो । नवगठित टिमलाई सफल कार्यकालको शुभकामना पनि दिनुभयो ।

भेलालाई रक्तिम विभागबाट बसन्त केसी, नेपाली समाचार साप्ताहिकका सम्बाददाता धर्म सुनार, नगर समितिबाट सुभाष गौतम, महिला विभागबाट सावित्रा दमासेले पनि नयाँ टिमलाई बधाई एवम् शुभकामना दिनुभएको थियो ।