प्यूठान । प्युठानमा क्रियाशील विभिन्न चार पत्रकार संघ, संगठनहरुले नेपाल पत्रकार महासंघको निर्वाचनमा सहकार्य गर्ने प्रतिवद्धता जनाएका छन् ।

सोमबार संयुक्त विज्ञप्ति प्रकाशित गरी चार पत्रकार संगठनले सहकार्यको प्रतिवद्धता गरेका हुन् । विज्ञप्तिमा प्रेस सेन्टरका टिकाराम पोखरेल, प्रेस युनियनका श्रीराम भण्डारी, प्रगतिशील पत्रकार संघ, नेपालका प्रज्वल पहाडी र प्रेस नेपालका रामबहादुर विश्वकर्माको हस्ताक्षर छ ।

महासंघको केन्द्र, प्रदेश र जिल्ला तहमा आगामी चैत्र २५ गते हुन गइरहेको निर्वाचनमा एकता गरेर जाने प्रतिबद्धता सहित महासंघलाई सर्वसम्मत ढंगले लैजान पहल गरिने विज्ञप्तिमा उल्लेख छ ।

यस्तो छ विज्ञप्ती
‘नेपाल पत्रकार महासंघको आसन्न निर्वाचनलाई सफलतापूर्वक सम्पन्न गर्नु हामी सबै क्रियाशील पत्रकारहरुको दायित्व होे । महासंघको केन्द्र, प्रदेश र जिल्ला तहको आगामी चैत्र २५ गते हुन गइरहेको निर्वाचन कार्यक्रमको हामी स्वागत गर्दछौं । हामी तपशिल बमोजिमका प्यूठान जिल्लामा क्रियाशिल पत्रकार महासंघको सबै तह (केन्द्र, प्रदेश र जिल्ला) को निर्वाचनलाई सफल बनाउन आ–आफ्नो संगठनको अस्तित्वलाई स्वीकार गरी सहकार्य गरेर निर्वाचनमा अगाडि बढ्ने सहमति गरेका छौँ । दृढतापूर्वक पालना गर्ने हाम्रो यो सहमतिसँगै महासंघ प्यूठान शाखालाई व्यवसायिक पत्रकारहरुको साझा संगठनको रुपमा अगाडि बढाउन अन्य पेशागत संघ संगठनलाई समेत सहकार्यका लागि आह्वान गर्दछौं ।

हामी निम्न बिषयमा प्रतिबद्ध हुने छौंः
१) हामी श्रमजीवी पत्रकारहरुको हकहितको पक्षमा नेपाल पत्रकार महासंघको निर्बाचनमा एकताबद्ध भई सहकार्य गरेर अगाडि बढ्ने प्रतिबद्धता गर्दछौँ ।

२) नेपाल पत्रकार महासं।घको निर्बाचनमा बिभिन्न जातजाति, भाषा, क्षेत्र र लैंगिक रुपमा अधिकतम साझा र समावेशी हुनेगरी सबै क्रियाशिल संघ संगठनहरुलाई सहकार्यका लागि आह्वान गर्दछौँ ।

३) पत्रकारहरुको पेशागत एवम् भौतिक सुरक्षाका लागि सम्बन्धित निकायको ध्यानाकर्षण गराउँदै पूर्ण प्रेस स्वतन्त्रता रिोधी कानुनको खारेजीको माग गर्दछौँ ।

४) नेपाल पत्रकार महासंघ प्यूठान शाखालाई अधिकतम सर्ब सहमतीय प्रणालीमा लैजान पहल गर्नेछौँ ।