खिमराज चालिसे, चंडिगढ ।
मूल प्रवाह अखिल भारत नेपाली एकता समाज लुधियाना फोकलपाइन्ट नगर समितिका कोषाध्यक्ष हरिप्रसाद शर्मा प्रवासबाट विदा भएर स्वदेश फर्कनुभएको छ । मूल प्रवाह फेकल प्वाइन्ट नगर समितिले एक समारोहको आयोजना गरी शर्माको विदाई गरेको हो ।
सन् १९८२ देखि मूल प्रवाहको टोल समितिमा आवद्ब भइ निरन्तर क्रियाशील रहँदै आएका शर्मा हाल नगरसमितिको कोषाध्यक्षको जीम्वेदारी वहन गर्दै आउनु भएको थियो ।
पंजाबको लुधियाना फोकल प्वाइन्टस्थित ओशोफोरजिन नामक कम्पनीमा काम गर्दै आउनु भएका शर्मा ६० वर्षको उमेरमा कम्पनीबाट सेवानिवृत भएपछी मूल प्रवाहबाट विदा हुनुभएको हो । हरिप्रसाद शर्मा डोटी जिल्लाको केआईसिंह गाउँपालिका वार्ड नम्बर ६ , भाडिगाउँ स्थायी निवासी हुनुहुन्छ ।
विदाई समारोहमा मूल प्रवाह सुदूरपश्चिमोत्तर क्षत्रीय सदस्य उदैसिंह चन्द, सिटी नगरबाट मानबहादुर आले, पशुपति शर्मा, हिम्मत परियार, नर बहादुर बिक, भगत बिक, शंकर परियार, बलबहादुर, फोकल प्वाइट नगर समितीबाट ईन्द केसी, बसन्ती थापा, पूर्ण बगाले मगर, बिनोद विक, महिला विभागकी अस्मिता थापा लगाएतले उहाँको योगदानबारे चर्चा गर्नुभएको थियो ।
कार्यक्रम खुमबहादुर थापाको अध्यक्षता तथा नगर सचिव अर्जुन कार्कीको संचालनमा सम्पन्न भएको थियो ।
