काठमाडौं । राष्ट्रिय जनमोर्चाले केही दिनअघि दैलेखको आठबीस नगरपालिकामा आमा र चार सन्तानले कर्णाली नदीमा हामफालेर गरेको आत्महत्याको घटनाले स्तब्ध बनाएको जनाएको छ ।
आइतबार विज्ञप्ति प्रकाशित गरी उपाध्यक्ष एवम् प्रवक्ता दुर्गा पौडेलले घरेलु हिंसाका कारण घटना भएको उल्लेख गर्दै यसले गम्भीर सामाजिक अवस्थाप्रति संकेत गरेको बताउनुभएको छ । जनतालाई आर्थिक, सामाजिक, मनोवैज्ञानिक रुपमा सक्षम बनाउँदै हिंसारहित समाज निर्माणमा जुट्नुपर्ने बताउँदै राजमोले आत्महत्या रोक्न पहल गर्नुपर्ने आवश्यकतामा जोड दिएको छ ।
यस्तो छ वक्तव्यः
दैलेखको आठबीस नगरपालिका वडा नं. ३ निमायलकी सुनिता बडुवालले चार छोराछोरीसहित कर्णालीमाहामफालेर आत्महत्या गरेको खबरले स्तब्धबनाएको छ । फागुन २४ गते आत्महत्या गरे पनि २५ गतेमात्रै जानकारी भएको थियो । घरेलु हिंसाको कारण घटना घटेको हुन सक्ने प्रहरीले बताएको छ ।
नेपालमाआत्महत्याका घटनाहरु लगातार बढ्दै गएका छन् । यसले समाजमा हिंसा र डिप्रेसन बढ्दै गएको देखाउँछ । सरकारी तथा गैरसरकारी दुवै तर्फबाट आत्महत्याका विरुद्धमा लगातार जनचेतनाजगाउनुपर्ने आवश्यकता छ । समाजमाव्यक्तिलाई एक्लोपनबाट जोगाउने, मनोपरामर्श दिने, आत्महत्यालाई रोकथामगर्ने काममा राज्यजिम्मेवार बन्नुपर्ने आवश्यकता देखिन्छ ।
गतवर्ष कोरोनाको कारण लकडाउन भएपछि आत्महत्या बढ्दै गएकाथिए । यसरी सामाजिकमनोविज्ञान भयावहअवस्थामापुगेको संकेत गरेको छ । जनतालाई आर्थिक, सामाजिक, मनोवैज्ञानिक रुपमा सक्षमबनाउँदै हिंसारहित समाजनिर्माणमा जुट्नुपर्ने र त्यसले आत्महत्या रोक्न सकिने दिशामा अगाडि बढ्नुपर्ने आवश्यकतामाजोड दिन्छौं ।’
