बेलबहादुर रजाली मगर, भारत ।
मूल प्रवाह अखिल भारत नेपाली एकता समाज महिला विभाग जयपुर उत्तर एवं दक्षिणको आयोजनामा १११औं अन्तर्राष्ट्रिय श्रमिक महिला दिवस सम्पन्न भएको छ ।

कार्यक्रममा मूल प्रवाहका केन्द्रीय सदस्य नारायण शर्मा, मध्य पश्चिमोत्तर क्षत्रीय अध्यक्ष बेलबहादुर रजाली, मध्य पश्चिमोत्तर क्षत्रीय सल्लाहकार मंगलसिंह खड्का, महिला केन्द्रीय विभागकी हुमा रजाली, महिला क्षत्रीय विभागकी अध्यक्ष कल्पना थापा, जनजाति क्षत्रीय विभागका बलबहादुर खासु, खेल विभागका टंक थापा, रक्तिम क्षत्रीय विभागका नारायण पौडेल, क्षेत्रीय विद्यार्थी विभागकी निकिता थापा लगायत वक्ताहरुले महिला मुक्ति आन्दोलनलाई वर्गीय मुक्ति आन्दोलन सँगै जोडेर लैजानु पर्ने बताउँदै त्यसको लागि महिला र पुरुष दुवैको भूमिका रहने धारणा राख्नु भएको थियो।

त्यस्तै, पत्रकार कॉलोनी एरिया समितिका गोपाल परियार, मूल प्रवाहकी शुभचिन्तक राधा अगरवाल (ढकाल)ले पनि सम्बोधन गर्नुभएको थियो । माया थापाको सञ्चालन, भगवती मल्लको अध्यक्षतामा भएको कार्यक्रममा मीना गुरुङले स्वागत गर्नु भएको थियो ।