अखिल नेपाल युवक संघको राष्ट्रियय परिषद बैठक आगामी पुष ७ र ८ गते धनगढीमा बस्ने भएको छ । युवक संघको यही कात्तिक १ गते बसेको केन्द्रीय सचिवालय बैठकले राष्ट्रिय परिषदको बैठकसहित सुदूरपश्चिमका विभिन्न जिल्लामा फिल्ड वर्क गर्ने निर्णयसमेत गरेको छ ।
युवक संघका अध्यक्ष अनिलकिशोर घिमिरेद्वार शनिबार जारी प्रेस वक्तव्यमा परिषद पछि एक हप्ते फिल्ड वर्क कार्यक्रम डोटी, डडेल्धुरा, कैलाली, कंचनपुर, सुर्खेत र दैलेखमा सञ्चालन गर्ने ठेगान भएको जनाइएको छ।
युवक संघले परिषद बैठकको तयारिको सन्दर्भमा कार्तिक १५ देखि मंसिर १५ सम्म सबै जिल्ला समितिको बैठक, प्रशिक्षण, भेलाहरु सम्पन्न गर्ने ठेगान पनि गरेको छ ।
यस्तै, आगामी माघ १५ देखि ३० गतेसम्म राष्ट्रघाती नागरिकता बिधेयक र भ्रस्टाचारको विरुद्ध मेची महाकाली खबरदारी अभियान सञ्चालन गर्ने तथा फागुन महिनाभर हुने राष्ट्रिय जनमोर्चाको विशेष साङठनिक अभियान र अखिल (छैठौ) द्वारा फाल्गुन २७ देखि चैत्र १ गते सम्म हुने संघीयता विरुद्ध काठमाडौं केन्द्रित कार्यक्रमलाई पुर्ण रुपमा सहयोग गर्ने निर्णय पनि गरिएको छ ।
युवक संघले गम्भीर बिरामी भइ उपचाररत संगठनका राष्ट्रिय परिषद सदस्य तथा काठमाडौं जिल्ला कोषाध्यक्ष अमृत आचार्यलाई उपचारका लागि सहयोग गर्न सबैसँग आग्रह गरेको छ । यसैगरी प्रगतिशील पत्रकार संघ, नेपालका केन्द्रीय उपाध्यक्ष महेश रिजालको उपचारमा सहयोग पुर्याउन पनि अपिल गरेको छ ।
आगामी मंसिर १४ गते सम्पन्न हुन गैरहेको उपनिर्बाचनमा राष्ट्रिय जनमोर्चाका उमेदवारहरुलार्इ बिजयी गराउन युवाहरूलाई परिचालन गर्ने निर्णय गरेको छ ।
