मेघराज रिष्मेली, जापान ।
ब्रेन ह्यामरेज भएर विगत २० महिनादेखि अस्पताल बस्न बाध्य गुल्मी धुर्कोट पिपलधाराकी अनिता खड्कालाई जापानबाट सहयोग जुट्न थालेको छ । २० महिनाअघि ब्रेन ह्यमरेज भएर अप्रेसन गरिएकी अनिता अहिले पनि औषधि उपचारको लागि ललितपुरको ग्वार्कोमा बस्दै आएकी छन् ।

उनको ७-८ पटकसम्म अप्रेसन भै सकेको बताइएको छ । टाउकोमा कृतिम हाड्को कभर राखिएको छ । स्वास फेर्नका लागि घाँटीमा ट्युब राखिएको छ ।

अब तीन महिनापछि फेरि घाँटिको अप्रेसन गर्नुपर्ने र त्यसको लागि ठूलो धनराशी चाहिने भएपछि खड्का परिवार समस्यामा परेको छ ।
सबैबाट सक्दो सहयोगको लागि परिवारजनले गरेको अपिल अनुसार जापानमा बस्ने नेपालीहरुले म्याजेन्जर ग्रुप मार्फत सहयोग अभियान सन्चालन गरेका छन् ।

अनितालाई बचाउनका लागि पौडेल तारामणीको जापान पोष्ट बैंकको खाता नं १०४१०–२१०२२४४१मा रकम जम्मा गरिदिन हुन जापानमा कार्यरत समाजसेवी कालिका पौडेल र माया केसीले आग्रह गर्नुभएको छ ।