काठमाडौँ । संसद विघटनको विरुद्ध देशव्यापी मसाल जुलसमाथि प्रहरीद्वारा हस्तक्षेप भएपछि अखिल (छैठौं) ले त्यसको विरोध गरेको छ । अखिल (छैठौं) का अध्यक्ष विमल पोखरेलको हस्ताक्षरमा २०७७ माघ २ गते साँझ प्रसारित प्रेस वक्तव्यमार्फत प्रहरी हस्तक्षेपको विरोध गरिएको हो ।
प्रहरी हस्तक्षेपको सामना गर्दै जुलुस सम्पन्न गर्ने सहभागीलाई धन्यवाद दिँदै सङ्घर्षको आगामी कार्यक्रममा लागि तयार हुन आह्वान गरिएको प्रेसवक्तव्यको पूर्ण पाठ यस्तो छ–
“प्रधानमन्त्री केपी शर्मा ओलीले २०७७ पुस ५ गते असंवैधानिक ढङ्गले गरेको प्रतिनिधि सभाको विघटनका विरुद्ध अखिल (छैठौं) ले माघ २ गते साँझ देशका विभिन्न स्थानमा मसाल जुलुस सम्पन्न गरेको छ । विघटित संसद पुनस्र्थापना गर, संवैधानिक सर्वाेच्चता कायम गर, अखिल (छैठौं) जिन्दावाद, नेकपा (मसाल) जिन्दावाद, भारतीय सेना कालापानी छोड, मसाल जुलुस सफल पारौँलगायतका नाराहरू लगाइएको थियो ।
ललितपुरको लगनखेल, चितवनको नारायणगढ, कास्कीको पोखरा, रुपन्देहीको बुटवल, कपिलवस्तुको चन्द्रौटा, प्युठानको बिजुवार, मच्छी र भिङ्ग्री, अर्घाखाँचीको धारापानी र ढाकावाङ, सुर्खेतको वीरेन्द्रनगर, कैलालीको धनगढी र अत्तरिया, कञ्चनपुरको महेन्द्रनगर तथा सुनसरीको इटहरीमा मसाल जुलुस सम्पन्न भएको छ ।
मसाल जुलुसका क्रममा कञ्चनपुरमा अखिल (छैठौं)का जिल्ला सचिव पुस्कर भट्टलाई गिरफ्तार गरी रिहाइ गरिएको छ भने प्युठानको बिजुवारमा प्रहरीले हस्तक्षेप गरी जिल्लाध्यक्ष चोपबहादुर विकसहित ४ जनामाथि लाठीचार्ज गरेको छ । मसाल जुलुसमा भएको प्रहरी हस्तक्षेपको विरोध तथा भत्र्सना गर्दछौँ ।
अखिल (छैठौं) को आयोजनामा सम्पन्न भएको मसाल जुलुसमा सहभागी सम्पूर्ण विद्यार्थी तथा जनसमुदायमा हार्दिक धन्यवाद व्यक्त गर्न चाहन्छौं । सङ्घर्षका आगामी कार्यक्रममा सहभागी हुनको लागि आह्वान गर्दछौं ।”
