काठमाडौँ । अमेरिकामा पछिल्लो समयमा सङ्क्रमित र मृतकको सङ्ख्या बढ्दै गएको देखिएको छ, तर गम्भीर बिरामीको सङ्ख्या भने कम रहेको छ ।
वल्र्डोमिटर्सका अनुसार पछिल्लो पाँच दिनको तथ्याङ्क हेर्दा यस्तो देखिएको हो ।
अमेरिकामा हालसम्म कुल सङ्क्रमित दुई करोड २६ लाख २९ हजार ४०० पुगेका छन् । अहिलेसम्म त्यहाँ तीन लाख ४१ हजार ४२७ जनाको मृत्यु भएको छ । कुल सङ्क्रमितमध्ये एक करोड ३३ लाख ९० हजार ४४५ जना बिरामी निको भएर घर फर्किसकेका छन् । सक्रिय सङ्क्रमितको सङ्ख्या ८९ लाख २४ हजार ५२८ पुगेको छ; तर, त्यसमध्ये गम्भीर बिरामी मात्र २९ हजार १८ जना रहेका छन् ।
गत जनवरी ५, २०२१ यताको तथ्याङ्क हेर्ने हो भने त्यहाँ जनवरी ९ का दिन दुई लाख ४५ हजार ९८१, जनवरी ८ का दिन तीन लाख सात हजार ५७९, जनवरी ७ का दिन दुई लाख ७९ हजार २०४, जनवरी ६ का दिन दुई लाख ६५ हजार ९२ जना र जनवरी ५ का दिन दुई लाख ३४ हजार ७३० जना नयाँ सङ्क्रमित थपिएका थिए ।
त्यसैगरी त्यहाँ जनवरी ९ का दिन ३१ सय ८२, जनवरी ८ का दिन ४० सय १०, जनवरी ७ का दिन ४२ सय ४५, जनवरी ६ का का दिन ४१ सय र जनवरी ५ का दिन ३७ सय ६९ जना नयाँ मृतक थपिएका थिए ।
हाल विश्वमा नौ करोड ५१ हजार २३० जना कुल सङ्क्रमित पुगेका छन् भने १९ लाख ३३ हजार ५२२ जनाको मृत्यु भइसकेको छ । छ करोड ४४ लाख ४८ हजार २१४ जना बिरामी निको भएर घर फर्किसकेको विश्वमा सक्रिय सङ्क्रमितको सङ्ख्या दुई लाख ३६ हजार ६९ हजार ४९४ रहेका छन् । त्यसमध्ये एक लाख आड हजार ५२६ जना गम्भीर बिरामी रहेका छन् ।
