प्युठान। प्युठान भालुबाङ सडक खण्ड अन्तरगत प्युठानको सरुमारानी – २ दर्भान नजिक टिपर दुर्घटना हुँदा घाइते भएका सहचालकको उपचारको क्रममा मृत्यु भएको छ।

जिल्लाको प्युठान नगरपालिका –८ निवासी २१वर्षीय सहचालक मुनाल भट्टको उपचारका क्रममा बुटवलमा मृत्यु भएको जिल्ला प्रहरी कार्यालय प्युठानले जानकारी दिएको छ।

आईतबार बिहान दाङको कालाकाटेमा रहेको शुभश्री अग्नि सिमेन्ट्का लागि प्युठानको अरङ्खोलाबाट चुनढुङ्गा बोकेर जाँदै गरेको ना ८ ख ३७०२ नम्बरको टिपर दुर्घटना हुँदा टिपर चालक र सहचालक घाईते भएका थिए।

दुर्घटनामा सो टिपरका चालक शितगंगा नगरपालिका–११ अर्घाखांची निबासी सन्तोष रोका घाईते भएका छन।  उनको बुटवलमा उपचार भईरहेको छ। प्रहरीका अनुसार सडक भासिएर उक्त दुर्घटना भएको थियो।(गोविन्द बिष्ट)