काठमाडौं । नेपालमा पछिल्लो २४ घण्टामा थप ४२६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार गत २४ घण्टामा ५ हजार २२५ पीसीआर परीक्षण गर्दा ४२६ जनामा कोरोना संक्रमण पुष्टि भएको हो ।

१५३ जना महिला र २७३ जना पुरुषमा कोरोना पुष्टि भएको मन्त्रालयले जनाएको छ । योसँगै नेपालमा कोरोना संक्रमितको संख्या २ लाख ६१ हजार १९ पुगेको मन्त्रालयले जनाएको छ ।
त्यस्तै आज देशभरमा सक्रिय संक्रमितको संख्या ६ हजार ४८ रहेको छ।

मन्त्रालयका अनुसार २४ घण्टामा ७४८ जना कोरोना संक्रमित निको भएसँगै अहिलेसम्म निको हुनको संख्या २ लाख ५३ हजार १०७ पुगेको छ । मन्त्रालयका अनुसार २४ घण्टामा ८ जना कोरोना संक्रमितको मृत्यु भएको छ । योसँगै नेपालमा कोरोनाबाट ज्यान गुमाउनेको संख्या १ हजार ८६४ पुगेको छ ।