काठमाडौँ । दक्षिण अफ्रिकामा कोरोना सङ्क्रमितको सङ्ख्या १० लाख नाघेको छ । पछिल्लो चौबिस घण्टामा नौ हजार ५०२ जना सङ्क्रमित थपिएसँगै त्यहाँ कुल सङ्क्रमितको सङ्ख्या १० लाख चार हजार ४१३ पुगेको हो ।
वल्र्डोमिटर्सका अनुसार त्यहाँ २१४ जना थपिएसँगै कुल मृतकको सङ्ख्या २६ हजार ७३५ पुगेको छ ।
हालसम्म आठ लाख ४४ हजार ८७४ जना सङ्क्रमित निको भएर घर फर्किसकेका छन् । एक लाख ३२ हजार ८०४ जना सक्रिय सङ्क्रमित रहेकोमा गम्भीर बिरामी ५४६ रहेका छन् ।
विश्वको पछिल्लो तथ्याङ्क हेर्दा कुल सङ्क्रमितको सङ्ख्या आठ करोड ११ लाख ३५ हजार १६३ पुगेको छ । १७ लाख ७१ हजार ४८४ जनाको मृत्यु भइसकेको छ । हालसम्म पाँच करोड ७२ लाख ८३ हजार ४९५ जना बिरामी निको भएर घर फर्किसकेका छन् । अहिलेसम्म दुई करोड २० लाख ८० हजार १८४ जना सक्रिय सक्रिय सङ्क्रमित रहेकोमा गम्भीर बिरामीको सङ्ख्या एक लाख पाँच हजार ३८५ रहेको छ ।
