शंकर प्रसाद पोख्रेल, गुल्मी ।
राष्ट्रिय जनमोर्चा कालीगण्डकी गाउँपालिले महंगी भ्रष्ट्राचार केपि ओलीको असंवैधानिक कदम र संघीयताको विरूद्धमा विरोध सभा सम्पन्न गरेको छ ।
आइतबार पालिकाको केन्द्र पूर्तिघाटमा सम्पन्न भएको कार्यक्रममा सम्बोधन गर्दै राष्ट्रिय जनमोर्चाकी केन्द्रीय सदस्य एवं कालीगण्डकी गाउँपालिकाकी उपाध्यक्ष तारा थापाले देशमा बढ्दै गइरहेको मंहगी, भ्रष्ट्राचार तुरून्त रोक्न माग गर्नुभयो ।
उहाँले संघीयताले देशमा अनावश्यक आर्थिक भार थोपरेकोले संघीयता छिटो भन्दा छिटो खारेज गर्नुपर्ने बताउनुभयो । उपाध्यक्ष थापाले प्रधानमन्त्री केपी शर्मा ओलीले असंवैधानिक रूपमा संसद विघटन गरेको दावि गर्दै संसद पुनर्स्थापनाको माग गर्नुभयो ।
त्यस्तै, मूलप्रवाह अखिल भारत नेपाली एकता समाजका केन्द्रीय सदस्य एवं राष्ट्रियजनमोर्चाका केन्द्रीय प्रतिनिधि रामकुमार क्षेत्रीले जिल्ला सदस्य पूर्णबहादुर थापा, कालीगण्डकीका अध्यक्ष गंगा केसी लगायतले पनि सम्बोधन गर्नुभएको थियो ।
युवक संघको भेला सम्पन्न
अखिल नेपाल युवक संघ कालीगण्डकी गाउँपालिकाको प्रथम भेलाले शनिबार सम्पन्न भएको छ । सो भेलाले मेघराज शर्माको अध्यक्षतामा २७ सदस्यिय अखिल नेपाल युवक संघ कालीगण्डकी गाउँपालिका स्तरिय समिती गठन गरेको छ ।
त्यस्तै, शुक्रबार कालीगण्डकी गाउँपालिका वडा नम्वर ६ खड्गकोटमा चित्र थापाको अध्यक्षतामा १९ सदस्यिय राष्ट्रिय जनमोर्चा वडा समिती गठन भएको छ ।
यसैगरी खडककोटमा पनि हिमलाल बलालको अध्यक्षतामा १९ सदस्य राष्ट्रिय जनमोर्चाको समिति गठन भएको छ । सबै भेलाहरुको अथिती मूलप्रवाह अखिल भारत नेपाली एकता समाजका प्रतिनिधि राम कुमार क्षेत्री हुनुहुन्थ्यो ।
