काठमाडौं । नेपालमा कोरोना संक्रमणबाट हालसम्म १८ स २५ जनाको निधन भएको छ । गएको २४ घण्टामा ६ जनाको निधन भएसँगै सो संख्यामा नेपालीको मृत्यु भएको हो ।
नेपालमा पछिल्लो २४ घण्टामा थप ४८१ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयको आइतबारको प्रेस ब्रिफिङमा मन्त्रालयका प्रवक्ता प्राडा जागेश्वर गौतमका अनुसार पछिल्लो २४ घण्टामा देशभरमा थप ४८१ जनामा कोरोना पुष्टि भएको हो ।
यो सँगै नेपालमा कोरोना संक्रमितको संख्या २ लाख ५८ हजार १८१ पुगेको छ । प्रवक्ता गौतमका अनुसार आज देशभर सक्रिय संक्रमितको संख्या ६ हजार ४९३ रहेको छ ।
त्यस्तै पछिल्लो २४ घण्टामा थप ७३१ जना कोरोना संक्रमित निको भएसँगै नेपालमा अहिलेसम्म कोरोना निको हुनेको संख्या २ लाख ४९ हजार ८६३ पुगेको मन्त्रालयले जनाएको छ ।
विदेशमा ९४.५ प्रतिशत नेपाली कोरोनामुक्त
विदेशमा कोरोना संक्रमणमा परेका नेपालीमध्ये ९४.५ प्रतिशत कोरोनामुक्त भएका छन् । संघका अनुसार शनिबार साँझसम्म विदेशमा ५२ हजार ८७२ नेपालीमा कोरोना संक्रमण पुष्टि भएको छ।
तीमध्ये ४९ हजार ८९२ जना कोरोनामुक्त भएको संघअन्तर्गतको स्वास्थ्य समितिले जनाएको छ । समितिका अनुसार गत साता नाइजेरिया, इजिप्स, साउदी अबर, कुवेतमा रहेका नेपालीमा संक्रमण पाइएको छ ।
गैर आवासीय नेपाली संघ अन्तर्गत स्वास्थ्य समितिका संयोजक डा सञ्जीव सापकोटाका अनुसार हालसम्म विभिन्न २१ देशमा ३१२ नेपालीको कोरोना संक्रमणका कारण ज्यान गएको छ ।
