तिलक थापा/बागलुङ बजार ।
राष्ट्रिय जनमोर्चा बागलुङ नगर समितिले ‘विघटित प्रतिनिधि सभा पुर्नस्थापना गरौँ, गणतन्त्र, राष्ट्रियता र धर्म निरपेक्षताको रक्षा गरौँ, सङ्घीयता र भ्रष्टाचारका विरुद्ध सघर्ष गरौँ भन्ने उदघोषका साथ सञ्चालित विशेष सङ्गठनात्मक अभियानअन्तर्गत १२८औँ माओजयन्तीको अवसर पारेर अगुवा कार्यकर्ता प्रशिक्षण कार्यक्रम २०७७ पौष ११ गते नारायणस्थानमा सम्पन्न गरेको छ ।
प्रमुख अतिथि राष्ट्रिय जनमोर्चाका केन्द्रीय सदस्य तथा जिल्ला समन्वय समिति बागलुङका प्रमुख राजेन्द्र ढुङगानाले प्रशिक्षण भेलाको उदघाटन गर्दै राजावादी चलखेल बढिरहेका बेला प्रधानमन्त्रीले संसद विघटन गर्नु अलोकतान्त्रिक र निरङ्कुश कदम भएको बताउनुभयो । यसले वैदेशिक चलखेललाई निम्ताएको, गणतन्त्र, राष्ट्रियता र धर्म निरपेक्षताको रक्षाका लागि विघटित प्रतिनिधि सभाको पुनस्र्थापना गर्दै सङ्घीयता खारेजीको विकल्प नरहेको उहाँले बताउनुभयो ।
कार्यक्रममा विशिष्ट अतिथि राष्ट्रिय जनमोर्चा बागलुङका अध्यक्ष अमर थापा, अतिथि राष्ट्रिय जनमोर्चाका राष्ट्रिय परिषद् सदस्य तथा अखिल नेपाल युवक सङ्घका पूर्व केन्द्रीय अध्यक्ष तिलक थापाले प्रशिक्षण दिनुभएको थियो ।
राष्ट्रिय जनमोर्चा बागलुङका उपाध्यक्ष धर्मबहादुर कुँवर, अखिल नेपाल महिला सङ्घकी केन्द्रीय उपाध्यक्ष लक्ष्मी बास्कोटाले शुभकामना मन्तब्य दिनुभएको उक्त कार्यक्रममा राष्ट्रिय जनमोर्चा बागलुङका सदस्य लोकनाथ शर्मा, योगेन्द्र पौडेल, अखिल नेपाल किसान महासङ्घ बागलुङका सदस्य ढुण्डीराज शर्मा, प्रगतिशील पत्रकार सङ्घका केन्द्रीय सदस्य ताराप्रसाद शर्मा, अखिल नेपाल ट्रेड युनियन महासङ्घ (अन्टुक) का केन्द्रीय सदस्य विष्णु अधिकारी, अखिल नेपाल राष्ट्रिय उद्योग व्यापार सङ्घ बागलुङका सदस्य टेकबहादुर क्षेत्री, अखिल नेपाल बुद्धिजीवी सङ्घका भक्ति न्यौपाने, अखिल (छैठौंं) बागलुङका सदस्य गोपाल सुवेदी, जातीय समता समाज बागलुङका सदस्य गोविन्द्रलाल विक, राष्ट्रिय जनमोर्चा बानपा–१२ का अध्यक्ष घनश्याम विक, वडा नं. १४ का अध्यक्ष रामबहादुर खड्कालगायतको आतित्थ्यता रहेको थियो ।
कार्यक्रम नगर समितिका अध्यक्ष थानेश्वर सुवेदीको अध्यक्षता, सचिव गोविन्दप्रसाद पौडेलको सञ्चालन र उपाध्यक्ष योगेन्द्र पौडेलको स्वागत मन्तव्यमा सम्पन्न भएको थियो ।
भेलाले आगामी पुस २६ गते पैयुँपाटा, २७ गते नारायणस्थान र २८ गते अमलाचौरमा वडास्तरीय प्रशिक्षण गर्ने ठेगान गरेको छ बताइएको छ ।
