ईन्द्रमणि पाण्डे, बागलुङ ।
अखिल नेपाल युवक संघ र अखिल नेपाल महिला संघको संयुक्त प्रशिक्षण कार्यक्रम सम्मपन्न भएको छ । ढोरपाटन नगरपालिका वडा नं ३ मा आज (शुक्रबार) संयुक्त प्रशिक्षण सम्पन्न भएको हो ।
प्रशिक्षण कार्यक्रममा राष्ट्रिय जनमोर्चा बागलुङका सल्लाहकार गौरीश्वर पाण्डेले जनताको जनजिबिका लगायतका बिषयमा प्रशिक्षण दिनुभएको थियो । उहाँले प्रशिक्षण कार्यक्रममा बोल्दै वर्तमान केपी ओली नेतृत्वको सरकारले सत्ता लम्बाउनका लागि संसद बिघटन गर्नु आफैमा दुखद भएको सबै मिलेर प्रतिगमनको पुन आगमन रोक्न आन्दोलनमा जानुको विकल्प नभएको बताउनु भयो ।
कार्यक्रममा जातिय समता समाज बागलुङका अध्यक्ष नर बहादुर सुनारले पनि प्रशिक्षण मन्तव्य राख्नुभएको थियो । भेलाले उमाकान्त कार्कीको अध्यक्ष्यतामा अखिल नेपाल युवक संघ ढोरपाटन नगरपालिका ३ को वडा समिति गठन गरिएको छ भने टिकमा पुनको अध्यक्ष्यताम अखिल नेपाल महिला संघको वडा समिति गठन गरिएको छ ।
कार्यक्रम राष्ट्रिय जनमोर्चा ढोनपा ३ का अध्यक्ष हिरा बहादुर खत्रीको अध्यक्षता , सचिव नारायण घर्तीको सञ्चालन र सदस्य मित्रलाल पौडेलको स्वागतमा सम्पन भएको थियो ।
