तानसेन । पाल्पामा राष्ट्रिय जनमोर्चा र अखिल नेपाल महिला सङ्घको समिति गठन भएका छन् ।
पूर्वखोलामा राजमो पाल्पाका अध्यक्ष विशाल दर्लामीको विशेष उपस्थितिमा आयोजित भेलामाझ राजमोको पालिका समिति गठन गरिएको हो ।
समितिमा अध्यक्ष पूर्णबहादुर फाल, उपाध्यक्षमा हुमानसिंह खनगाहा, सचिवमा रमेश न्यौपाने तथा सदस्यहरूमा जाइबहादुर आले, थनबहादुर सारू, वीरबहादुर खनगाहा, दलबहादुर हिस्की, मुक्तबहादुर सारू र प्रेमकुमारी हिस्की रहनुभएको छ । समितिमा सदस्यको एक स्थान रिक्त रहेको समाचारमा जनाइएको छ ।
भेलामा अखिल नेपाल ट्रेड युनियन महासङ्घ (अन्टुक) का केन्द्रीय उपाध्यक्ष टिकाराम पौडेल, अखिल नेपाल महिला सङ्घकी जिल्ला अध्यक्ष उमा सिँजाली र राजमो पाल्पाका जिल्ला सदस्य राम गैरैको पनि उपस्थिति रहेको थियो ।
भेलाको सञ्चालन राम गैरेले र स्वागत तथा अध्यक्षता मानबहादुर वयम्बुले गर्नुभएको थियो ।
त्यसैगरी, अखिल नेपाल महिला सङ्घको पनि वडा समिति गठन गरिएको छ । समितिको अध्यक्षमा गुना वयम्बु तथा सदस्यहरूमा तुलसी वयम्बु, सुकमाया परियार, लक्ष्मी परियार, सरस्वती परियार, लक्ष्मी आले र पार्वती परियार रहनुभएको छ ।
