पाल्पा । संघीयता खारेजीको माग गर्दै राष्ट्रिय जनमोर्चा पाल्पाले मंगलबार रामपुर नगरपालिकाको बेझाड बजारमा विरोध सभाको आयोजना गरेको छ ।

‘गणतन्त्र, राष्ट्रियता र धर्मनिरपेक्षताको रक्षा गरौँ, संघीयता र भ्रष्टाचारको विरोध गरौँ” भन्ने मूल नाराका साथ देशव्यापी सञ्चालन भइरहेको कार्यक्रम अन्तरगत पाल्पामा पनि विरोध सभा सम्पन्न भएको हो ।

विरोध सभालाई राजमो केन्द्रीय सदस्य सोम कार्की, जिल्ला अध्यक्ष विशाल दर्लामी, अखिल नेपाल किसान महासंघका जिल्ला अध्यक्ष मानबहादुर बोएम्बुले सम्बोधन गर्नुभएको थियो ।

विरोध सभाको अध्यक्षता राजमो रामपुर नगर अध्यक्ष पदमबहादुर पौडेलले गर्नुभएको थियो भने सञ्चालन सचिव रामप्रसाद गैरेले गर्नुभएको थियो ।