काठमाडौं । नेपालमा सक्रिय कोरोना संक्रमितको संख्या करिब ११ हजार रहेको छ । स्वास्थ्य तथा जनसंख्या मन्त्रालयले आइतबार दिएको जानकारी अनुसार सक्रिय संक्रमितको संख्या १० हजार ९९४ रहेको छ ।

नेपालमा पछिल्लो २४ मा ८३० जनामा कोरोना भाइरसको संक्रमण पुष्टि भएको छ । मन्त्रालयका प्रवक्ता प्राडा जागेश्वर गौतमले पछिल्ले २४ घण्टामा देशभर ५ हजार १८१ नमूना परीक्षण गर्दा थप ८३० जनामा कोरोना पुष्टि भएको बताउनुभयो ।

योसँगै नेपालमा कोरोना संक्रमितको संख्या २ लाख ४८ हजार ४२३ पुगेको छ । प्रवक्ता गौतमका अनुसार पछिल्लो २४ घण्टामा १ हजार ५ कोरोना संक्रमित निको भएका छन् । योसँगै नेपालमा कोरोना निको हुनेको संख्या २ लाख ३५ हजार ७३१ पुगेको छ ।

त्यस्तै पछिल्लो २४ घण्टामा थप ९ जना कोरोना संक्रमितको निधन भएको छ । योसँगै कोरोनाका कारण निधन हुनेको संख्या १ हजार ६९८ पुगेको छ ।