काठमाडौं । नेपालमा कोरोना भाइरसको संक्रमणका कारण ज्यान गुमाउनेको संख्या एक हजार ६ सय ३७ पुगेको छ । स्वास्थ्य तथा जनसंख्या मन्त्रालयका अनुसार गत २४ घण्टामा थप २३ जनाको जना संक्रमितको मृत्यु भएको छ।
योसँगै नेपालमा कोरोनाका कारण ज्यान गुमाउनेको संख्या १ हजार ६३७ पुगेको छ । नेपालमा पछिल्लो २४ घण्टामा थप १ हजार ३८२ जनामा कोरोना भाइरसको संक्रमण देखिएको छ ।
मन्त्रालयका अनुसार आज ८ हजार ९४७ को पीसीआर परीक्षण गरिएको थियो । मन्त्रालयले मंगलबार दिएको जानकारी अनुसार काठमाडौँ उपत्यकामा ५९४ सहित देशभरमा १ हजार ३८२ जनामा कोरोना संक्रमण देखिएको हो । पछिल्लो २४ घण्टामा काठमाडौँमा ४१२, भक्तपुरमा ६९ र ललितपुरमा ११३ कोरोना पुष्टि भएको छ।
उपत्यकाबाहिर कास्कीमा ९७, सुनसरीमा ७५, चितवनमा ६९, कैलली ६२ र मोरङमा ५५ जना संक्रमित थपिएका छन् । योसँगै नेपालमा कोरोना संक्रमितको संख्या २ लाख ४३ हजार ३७७ पुगेको छ भने सक्रिय संक्रमितको संख्या १२ हजार ६८६ रहेको छ।
