पुष्कर भट्ट, महेनद्रनगर ।
राष्ट्रिय जनमोर्चा, कञ्चनपुरले प्रतिगमनको खतराविरुद्ध जिल्लाका सबै स्थानीय तहमा विरोध कार्यक्रम गर्ने तयारी गरेको छ । आइतबार बसेको जिल्ला समितिको बैठकले जिल्ला तथा पालिकास्तरमा विरोध कार्यक्रम तय गरेको हो ।
‘गणतन्त्र राष्ट्रियता, धर्मनिरपेक्षताको रक्षा गरौँ, संघीयता र भ्रष्टाचारका विरुद्ध संघर्ष गरौँ’ भन्ने मूल नाराका साथ पुष १० गतेसम्म सम्पूर्ण स्थानीय तहमा कार्यक्रम गर्ने ठेगान भएको अध्यक्ष रामबहादुर कार्कीद्वारा हस्ताक्षरित विज्ञप्तिमा जनाइएको छ ।
यस्तै, राजमोले यही मंसिर २५ गते महेन्द्रनगरमा विरोध प्रदर्शन गर्नेछ ।
राजमोले किसानलाइ समयमै मलखाद, विउविजन आपुर्ति तथा कृषि उपजको बजारिकरण गर्न सरकारको ध्यानाकर्षण गर्ने जनाएको छ । कोरोना संक्रमणप्रति सरकारले गरेको लापरवाहीको विरोध तथा स्थानीयस्तरमा भएका भ्रष्टाचारको छानविन गर्न राजमोले माग गरेको छ भने सीमा क्षेत्रमा नेपालीहरुमाथि भइरहेको दुर्व्यवहार रोक्न माग गरेका छ ।
राजमोले जिल्लामा सडक निर्माणका क्रममा भइरहेको लापरवाहीप्रति ध्यानाकर्षण भएको जनाउँदै सडकको स्तारोन्नती गर्नसमेत आग्रह गरेको छ ।
