काठमाडौं । नेपालमा पछिल्लो २४ घण्टामा एक हजार १४ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयले सोमबार दिएको जानकारी अनुसार ६ हजार २२० जनाको पीसीआर परीक्षण गर्दा सो संख्यामा संक्रमित फेला परेका हुन् ।

संक्रमित एक हजार १४ जनामध्ये ३७० जना महिला र ६४४ पुरुषमा संक्रमण पुष्टि भएको मन्त्रालयले जनाएको छ । यो सँगै नेपालमा जम्मा संक्रमितको संख्या दुई लाख ४१ हजार ९९५ पुगेको मन्त्रालयले जनाएको छ ।

यस्तै, २४ घण्टामा थप २० जनाको मृत्यु भएसँगै नेपालमा कोरोनाका कारण मृत्यु हुनेको संख्या १ एक हजार ६१४ पुगेको छ ।

आज काठमाडौं उपत्यकामा आज ४४२ जना संक्रमित थपिएका छन् । जसमा १८८ महिला तथा २५४ पुरुष रहेका मन्त्रालयले जनाएको छ ।
देशभर सक्रिय संक्रमितको संख्या १२ हजार ९४८ जना रहेको मन्त्रालयले जनाएको छ ।