काठमाडौँ । संयुक्त राज्य अमेरिकामा आजसम्मकै बढी सङ्क्रमित भेटिएका छन् । आज बिहानसम्मको चौबिस घण्टामा अमेरिकामा दुई लाख ३५ हजार २७२ जना नयाँ सङ्क्रमित थपिएका छन् ।
वल्र्डोमिटर्सका अनुसार यससँगै त्यहाँ कुल सङ्क्रमितको सङ्ख्या एक करोड ४७ लाख ७२ हजार ५३५ पुगेको छ ।
अमेरिकाम मृतकको सङ्ख्या पनि त्यहाँ बढ्दै गइरहेको छ । आज बिहानसम्मको चौबिस घण्टामा थप २७ सय १८ जनाको मृत्यु भएको छ ।
आज बिहानसम्मको तथ्याङ्कमा त्यहाँ ८६ लाख ५८ हजार ८८२ जना निको भएर घर फर्किसकेका छन् । अमेरिकामा ५८ लाख २८ हजार १०३ जना सक्रिय सङ्क्रमित रहेका छन्, त्यसमध्ये २६ हजार १५३ जना गम्भीर बिरामी रहेका छन् ।
अमेरिकामा हिजो बिहानसम्मको चौबिस घण्टामा पनि स्थिति त्यत्तिकै गम्भीर थियो । यस अवधिमा त्यहाँ दुई लाख २० हजार ६४३ जना नयाँ सङ्क्रमित थपिएका थिए भने २९ सय २१ हजार नयाँ मृतक थपिएका थिए ।
विश्वमा हालसम्म छ करोड ६२ लाख २४ हजार ३७३ जना कुल सङ्क्रमित पुगेका छन् भने १५ लाख २४ हजार २६१ जनाको मृत्यु भएको छ । चार करोड ५८ लाख आठ हजार २९२ जना बिरामी निको भएर घर फर्किसकेका छन् । एक करोड ८८ लाख ९१ हजार ८२० जना सक्रिय सङ्क्रमितमध्ये एक लाख छ हजार ९० जना गम्भीर बिरामी रहेका छन् ।
