काठमाडौँ । कोरोना सङ्क्रमणबाट गएको २४ घण्टामा २९ जनाको मृत्यु भएको छ । स्वास्थ्य तथा जनसङ्ख्या मन्त्रालयका अनुसार सोमबारसम्म नेपालमा कोरोना सङ्क्रमणबाट मृत्यु हुनेको सङ्ख्या १५ सय नाघेको छ ।

सोमबार थप २९ जनाको निधन भएसँगै नेपालमा कोरोनाबाट मृत्यु हुनेको सङ्ख्या १५०८ पुगेको मन्त्रालयले जनाएको छ ।

थप १७ सय ७४ मा संक्रमण पुष्टि
पछिल्लो २४ घण्टामा नेपालमा थप १४ सय ७४ जना कोरोना सङ्क्रमित थपिएका छन् । योसँगै नेपालमा कुल सङ्क्रमितको सङ्ख्या २ लाख ३३ हजार ४५२ छ, जसमध्ये २ लाख १४ हजार ५२१ निको भएका छन् भने १७ हजार ४२३ सक्रिय सङ्क्रमित छन् ।

हालसम्म २ लाख १४ हजार ५२१ जना सङ्क्रमणमुक्त भइसकेका मन्त्रालयले जनाएको छ ।