दैलेखबजार । राष्ट्रिय जनमोर्चा दैलेखले प्रधानमन्त्री केपी शर्मा ओलीलाई ज्ञापनपत्र बुझाएको छ । राजमो कर्णाली प्रदेशका अध्यक्ष भरतबहादुर शाहीको नेतृत्वमा २०७७ कार्तिक २४ गते गएको एक प्रतिनिधि मण्डलले दैलेखका प्रमुख जिल्ला अधिकारी सन्तबहादुर सुनारमार्फत् सो ज्ञापन बुझाएको हो ।
कोराना सङ्क्रमितको निःशुल्क उपचार र परीक्षण, भारतीय थल सेनाध्यक्षको नेपाल भ्रमण र मानार्थ महारथी पद्वी हस्तान्तरण, रअका प्रमुख सामन्तकुमार गोयलको प्रधानमन्त्रीसित भेट, भ्रष्टाचार, महङ्गी र कुशासनको अन्त्य तथा अपर कर्णाली आयोजनाजस्ता विषय समेटिएको सो ज्ञापनपत्र बुझाउन प्रदेश अध्यक्ष शाहीको नेतृत्वमा राजमो दैलेखका अध्यक्ष अम्बरबहादुर नेपाली, नेकपा (मसाल) दैलेखका प्रवक्ता सुरत राउत, राजमो दैलेखका सल्लाहकार पूर्णबहादुर शाही र अखिल नेपाल कानुन व्यवसायी सङ्घका केन्द्रीय सदस्य हस्तराज रेग्मीसहितको प्रतिनिधि मण्डल जिल्ला प्रशासन कार्यालय पुगेको थियो ।
कर्णाली प्रदेशका अध्यक्ष भरतबहादुर शाहीको नेतृत्वमा राजमो दैलेखले बुझाएको ज्ञापन बुझ्दै दैलेख जिल्ला प्रमुख अधिकारी सन्तबहादुर सुनारले यो ज्ञापन तत्कालै प्रधानमन्त्री कार्यालय पठाउन विलम्ब नगर्ने बताउनुभयो । ‘तपाईंहरूले उठायका माग जायज छन्’ उहाँले अगाडि भन्नुभयो– ‘उक्त मागहरू सरकारले कार्यान्वयन गर्ने कुरामा मेरोतर्फबाट पनि पहल रहन्छ ।’
यस्तो छ ज्ञापनपत्र
