आफ्नै सचिवालयमा कार्यरत महिला कर्मचारीमाथि यौन दुराचारको आरोप लागेका सभामुख कृष्णबहादुर महरालाई राजीनामा दिन नेकपाले निर्देशन दिएको छ ।
मंगलबार बिहान बसेको नेकपा शीर्षनेताहरुको बैठकले उनलाई राजीनामा दिन निर्देशन दिने सहमति गरेको र सचिवालय बैठकमा त्यसबारे निर्णय गर्ने नेकपा स्रोतले जनाएको छ । नेकपा सचिवालय बैठक मंगलबार अपरान्ह बस्दैछ ।
सोमबार रोल्पा घर भएकी संसद सचिवालयमा कार्यरत ति महिलाले सभामुखमाथि जवर्जस्ती करणी गरेको आरोप लगाएपछि उनी गम्भीर नैतिक संकटमा फँसेका छन् ।
नैतिक प्रश्न खडा भएका सभामुख महरा सामु तत्काल राजीनामा दिने वा महाअभियोगको सामना गर्ने दुई विकल्प छन् । यद्यपी सभामुखको सचिवालयले सोमबार नै विज्ञप्ति प्रकासित गरेर आरोपको खण्डन गरेको छ । तर, प्रमुख विपक्षी दलले उनको राजीनामा नआए महाभियोग लगाउने संकेत गरेको छ । कांग्रेस नेता गगन थापाले ‘सभामुखको केस यत्तिकै रफादफा गर्न नदिने’ चेतावनी दिएका छन् ।
सभामुखलाई पदबाट हटाउन महाअभियोग लगाउने विकल्प हुन्छ । तर, महाअभियोग लगाउन प्रमुख प्रतिपक्षी नेपाली कांग्रेससँग एक चौथाइ संख्या पनि प्रतिनिधिसभामा छैन ।
अब महरासामु राजीनामा दिनु वा महाअभियोगको सामना गर्नुबाहेक अरू विकल्प छैनन् । सम्भवतः महराले आजै राजीनामा दिन सक्नेछन् । आजै साँझसम्म महराले राष्ट्रपतिसमक्ष राजीनामा दिने सम्भावना पनि छ ।
सभामुख राज्यको सम्मानित पद हो। राज्यको बरियताक्रममा यो पद राष्ट्रपति, उपराष्ट्रपति, प्रधानमन्त्री, प्रधान न्यायाधीशपछि पाँचौं नम्बरमा छ।
यो पनि पढ्नुहोस्ः सभामुख महरामाथि यौन दुराचारको आरोप, के भन्छन् महरा ?
