काठमाडौँ । आफूलाई कानुन विपरीत पदबाट हटाइएको भन्दै निवर्तमान प्रहरी महानिरीक्षक दानबहादुर कार्की सर्वोच्च अदालत पुगेका छन् ।

२०८३ कात्तिक १९ गते बिहीबार कार्कीका वकिलहरू सर्वोच्च पुगेका हुन् ।

सरकारले कात्तिक १८ गते उनलाई आइजिपीबाट हटाएर प्रधानमन्त्रीको सुरक्षा सल्लाहकार नियुक्त गरेको थियो ।

आफूमाथि अन्याय भएको भन्दै कार्की सर्वोच्च पुगेका हुन् । अदालतको प्रशासनिक प्रक्रिया पूरा भएपछि मात्रै उनले लिएर गएको रिट दर्ता हुने वा नहुने भन्नेबारे टुङ्गो हुन्छ ।

मन्त्रिपरिषद्को बैठकले कार्कीलाई पदबाट हटाएर उक्त पदमा एआइजी मनोज केसीलाई नियुक्त गरेको थियो । केसीले हिजो नै शपथ लिइसकेका छन् ।

कार्कीलाई प्रधानमन्त्री कार्यालयमा विशेष सुरक्षा सल्लाहकार पद सिर्जना गरी उक्त पदमा पदस्थापन गर्ने निर्णय मन्त्रिपरिषद्ले गरेको थियो ।