नयाँ दिल्ली। मूल प्रवाह अखिल भारत नेपाली एकता समाज, नयाँ दिल्ली नगरअन्तर्गतका मध्य दिल्ली एरिया समिति र दक्षिण दिल्ली एरिया समितिको संयुक्त भेला तथा सांस्कृतिक कार्यक्रम सम्पन्न भएको छ।
दिनेश पन्थीको अध्यक्षता तथा शिव केसीको सञ्चालनमा सम्पन्न कार्यक्रममा मूल प्रवाह अखिल भारत नेपाली एकता समाज केन्द्रीय समितिका उपाध्यक्ष कपिल खनाल प्रमुख अतिथि तथा केन्द्रीय समितिका पूर्व अध्यक्ष एवं वर्तमान सल्लाहकार ठाकुर खनाल विशिष्ट अतिथिका रूपमा उपस्थित हुनुहुन्थ्यो।
कार्यक्रममा केन्द्रीय सल्लाहकार सदस्य विनबहादुर कुँवर, क्षेत्रीय समिति महिला विभागकी संयोजक लक्ष्मी खडायत, रक्तिम सांस्कृतिक अभियानका पहलसिंह परियार, नयाँ दिल्ली नगर समितिका उपाध्यक्ष युवक घर्ती, क्षेत्रीय विद्यार्थी विभागकी कोषाध्यक्ष ईशा केसी, नयाँ दिल्ली सांस्कृतिक विभागकी संयोजक निरू पुन, महिला विभाग नयाँ दिल्ली नगर समितिकी माया कुँवर, जनसम्पर्क समिति केन्द्रीय सदस्य टेकराज पोखरेल, मूल प्रवाहका सदस्य तथा समाजसेवी शेरसिंह पुराण, दिल्ली नगर समितिका अध्यक्ष सुनिल थापा तथा समाजसेवी दामोदर पाण्डेलगायत अतिथिहरूको उपस्थिति रहेको थियो।
कार्यक्रमको सुरुवात ज्ञात–अज्ञात वीर सहिदहरूप्रति तथा हाल नेपालमा आएको विनाशकारी बाढी–पहिरोमा परी ज्यान गुमाउनेहरूप्रति श्रद्धाञ्जली अर्पण गर्दै एक मिनेट मौनधारणबाट गरिएको थियो। भेलामा उपस्थित सम्पूर्ण सहभागीलाई विष्णु खनालले स्वागत मन्तव्यद्वारा स्वागत गर्नुभएको थियो।
भेलाको उद्घाटन प्रमुख अतिथि एवं केन्द्रीय समितिका उपाध्यक्ष कपिल खनालले गर्नुभएको थियो। उद्घाटन मन्तव्यका क्रममा खनालले एरिया समितिलाई कसरी व्यवस्थित रूपमा सञ्चालन गर्ने, संगठनमा कसरी आबद्ध हुने तथा भारतमा बसोबास गर्ने शोषित, पीडित नेपाली जनसमुदायलाई कसरी संगठित गर्ने भन्ने विषयमा स्पष्ट पार्नुभएको थियो। उहाँले संगठनप्रतिको जिम्मेवारी, जनताप्रतिको उत्तरदायित्व तथा आगामी कार्यदिशाका विषयमा समेत प्रकाश पार्दै भेलालाई शुभकामना दिनुभएको थियो।
त्यसैगरी, केन्द्रीय समिति सल्लाहकार सदस्य विनबहादुर कुँवरले संयुक्त भेलासमक्ष नयाँ समितिको प्यानल प्रस्तुत गर्नुभएको थियो। मध्य दिल्ली एरिया समितिका लागि ११ सदस्यीय पूर्ण समिति, ३ वैकल्पिक सदस्य तथा ३ सल्लाहकार सदस्यको नाम प्रस्तुत गरिएकोमा भेलाले सर्वसम्मत रूपमा अनुमोदन गरेको थियो।
मध्य दिल्ली एरिया समितिको अध्यक्षमा बलराम परियार, उपाध्यक्षमा रामबहादुर रायमाझी, सचिवमा मञ्जु रायमाझी, सहसचिवमा भण्डारी र कोषाध्यक्षमा रामबहादुर जीएम चयन हुनुभएको छ। सदस्यहरूमा शालिकराम पौडेल, खिमप्रसाद भुसाल, जानका भट्टराई, शान्त परियार, शर्मिला अधिकारी र माया कुँवर चयन हुनुभएको छ।
त्यस्तै, वैकल्पिक सदस्यहरूमा शान्त भाट, सरस्वती खनाल र सपना केसी तथा सल्लाहकार सदस्यहरूमा सरस्वती शर्मा, मनकला भुसाल र पुष्प क्षेत्री चयन हुनुभएको छ।
दक्षिण दिल्ली एरिया समितिको अध्यक्षमा लक्ष्मी खडायत, उपाध्यक्षमा करण पुन, सचिवमा दिननाथ कुँवर, सहसचिवमा कमला खड्का र कोषाध्यक्षमा निरज पुन चयन हुनुभएको छ। सदस्यहरूमा सरिता पुन, ईशा केसी, सावित्रा कुँवर, शान्त केसी, कौसला परियार र मिना खनाल चयन हुनुभएको छ।
त्यसैगरी, वैकल्पिक सदस्यहरूमा बिमला रायमाझी, मञ्जु घिमिरे र गीता आचार्य तथा सल्लाहकार सदस्यहरूमा तारा बस्नेत, झकबहादुर कुँवर र मञ्जु बिष्ट चयन हुनुभएको छ।
भेलालाई सम्बोधन गर्दै केन्द्रीय समितिका सल्लाहकार तथा विशिष्ट अतिथि ठाकुर खनालले समसामयिक राजनीतिक परिस्थिति, नेपालमा आएको विनाशकारी बाढी–पहिरोबाट भएको जनधनको क्षति तथा उद्धार र राहतका क्रममा देखिएका समस्याका विषयमा आफ्नो धारणा राख्नुभएको थियो। उहाँले आफू मूल प्रवाह अखिल भारत नेपाली एकता समाजमा कसरी संगठित भएको भन्ने अनुभव सुनाउँदै संगठनको कार्यदिशा, विधान तथा संगठनले निर्वाह गर्दै आएको भूमिकाका बारेमा समेत स्पष्ट पार्नुभएको थियो।
त्यस्तै, जनसम्पर्क समितिका केन्द्रीय सदस्य टेकराज पोखरेलले नेपालीहरूको हकहितका लागि मूल प्रवाह अखिल भारत नेपाली एकता समाजले गर्दै आएका कामहरूको प्रशंसा गर्दै संगठनले उदाहरणीय भूमिका निर्वाह गरिरहेको बताउनुभएको थियो। उहाँले भेलालाई शुभकामना मन्तव्यसमेत दिनुभएको थियो।
कार्यक्रमका विभिन्न चरणमा सांस्कृतिक विभागका स्थानीय कलाकारहरूले स्वागत गीत, नृत्य तथा विभिन्न सांस्कृतिक प्रस्तुति प्रस्तुत गरेका थिए। सांस्कृतिक प्रस्तुतिले कार्यक्रममा थप उत्साह र मनोरञ्जन थपेको थियो।
अन्तमा कार्यक्रमका अध्यक्ष दिनेश पन्थीले सहभागी सम्पूर्ण अतिथि, प्रतिनिधि तथा कलाकारहरूलाई धन्यवाद दिँदै कार्यक्रम सम्पन्न भएको घोषणा गर्नुभएको थियो।
