महेश रिजाल, भालुबाङ ।
दाङको पूर्वपश्चिम राजमार्ग लमही भालुबाङको सडकखण्डअन्र्तगत राप्ती गाउँपालिका–१ पाखापानीमा २०८३ भदौ २६ गते साँझ करिब ७:३० बजे भएको सवारी दुर्घटनामा परी शिक्षक गोविन्दराज सुवेदी घाइते भएका छन् ।
नेपाल राष्ट्रिय माध्यमिक विद्यालय भालुबाङमा अध्यापनरत सहायक शिक्षक सुवेदी दुर्घटनामा गम्भीर घाइते भएका हुन् ।
घाइते सुवेदीलाई घटनास्थलबाट स्थानीय र प्रहरीले उद्धार गरी भालुबाङ अस्पतालमा पुर्याएका थिए । उनको दाहिने कुम, घुडा र पैतालामा गम्भीर चोट लागेको थियो । भालुबाङ अस्पतालमा उनको प्राथमिक उपचारपछि थप उपचारका लागि बुटवलस्थित लुम्बिनी सिटी अस्पतालमा पठाइएपछि त्यहाँ उपचार भइरहेको शिक्षक विद्यान चन्द्र अधिकारीले बताए । सिटिस्क्यान गर्दा चारोटा करङ क्र्याक भए पनि हाल उनको उपचार सोही अस्पतालमा भइरहेको छ ।
धनगढीबाट काकडभित्तातर्पm जादै गरेको सु.प.प्र.–०१–००१ ख३४३१ नम्बरको खप्तड एसी बसले लालमटिया–१ पाखापानीमा सडक क्रस गर्ने क्रममा लु–प्र–०२००१ प ५३३८ नम्बरको मोटरसाइकललाई उक्त बसले ठक्कर दिँदा सुवेदी घाइते भएका थिए ।
घाइते सुवेदीको स्वास्थ्य अवस्थामा सुधार भइरहेका कारण र पीडितका आफन्तको सल्लाहबमोजिम नियन्त्रणमा रहेको उक्त गाडीका चालक र बसलाई सम्पर्कमा रहने गरी दुवै पक्षको सहमति र आवश्यक उपचार खर्च यातायात भलाई कोषमार्पmत बस समितिले बेहोर्ने गरी छाडिएको इलाका प्रहरी कार्यालय भालुबाङका प्रहरी निरीक्षक गोपाल न्यौपानेले जानकारी दिए ।
