काठमाडौँ, असार ६ । कालीमाटी फलफूल तथा तरकारी बजार विकास समितिले आजका लागि कृषिउपजको अधिकतम थोक मूल्य सार्वजनिक गरेको छ।
समितिका अनुसार तरकारीतर्फ ठूलो नेपाली गोलभेँडा प्रतिकिलो ७० रुपैयाँ, सानो लोकल गोलभेँडा २० रुपैयाँ, आलु ३० देखि ३८ रुपैयाँ तथा भारतीय प्याज ४९ रुपैयाँ प्रतिकिलो कायम गरिएको छ। गाजर १०० रुपैयाँ, बन्दा ६० रुपैयाँ, काउली ७० रुपैयाँ, मूला २० देखि ३५ रुपैयाँ तथा भन्टा २० देखि ३५ रुपैयाँ प्रतिकिलो निर्धारण गरिएको छ।
यसैगरी, मटरकोसा १८० रुपैयाँ, भटमासकोसा १२० रुपैयाँ, लौका र परवर ५० रुपैयाँ, घिरौँला ४० रुपैयाँ, भिन्डी ४० रुपैयाँ, पिँडालु १०० रुपैयाँ तथा इस्कुस ६० रुपैयाँ प्रतिकिलो तोकिएको छ।
हरियो सागसब्जीतर्फ रायो साग ४० रुपैयाँ, पालुङ्गो ६० रुपैयाँ, हरियो प्याज १२० रुपैयाँ तथा च्याउ २२० रुपैयाँदेखि १ हजार रुपैयाँ प्रतिकिलोसम्म निर्धारण गरिएको छ। कुरिलो ३०० रुपैयाँ, ब्रोकाउली ८० रुपैयाँ र सेलरी १५० रुपैयाँ प्रतिकिलो कायम भएको छ।
फलफूलतर्फ फुजी स्याउ ३०० रुपैयाँ, नेपाली केरा प्रतिदर्जन २०० रुपैयाँ, मालभोग केरा २२० रुपैयाँ, कागती २०० रुपैयाँ, अनार ४२० रुपैयाँ, आँप ९० देखि १०० रुपैयाँ तथा तरबुजा ५० रुपैयाँ प्रतिकिलो तोकिएको छ। नासपाती २५० रुपैयाँ, मेवा ९०–१०० रुपैयाँ र लिची २००–३०० रुपैयाँ प्रतिकिलो निर्धारण गरिएको छ।
मसलाजन्य तथा अन्य कृषिउपजमा अदुवा १४० रुपैयाँ, हरियो खुर्सानी ३० देखि ६० रुपैयाँ, अकबरे खुर्सानी २५० रुपैयाँ, हरियो धनियाँ १२० रुपैयाँ तथा सुकेको लसुन १८० देखि २२० रुपैयाँ प्रतिकिलो कायम गरिएको छ। त्यस्तै, ताजा माछाको मूल्य प्रतिकिलो २५० रुपैयाँदेखि ३४० रुपैयाँसम्म तोकिएको समितिले जनाएको छ।
समितिले सार्वजनिक गरेको मूल्यसूचीअनुसार बजारमा कृषिउपजको थोक कारोबार हुने जनाएको छ।
