काठमाडौं, असार ३ । क्रान्तिकारी कम्युनिस्ट पार्टी नेपालका स्थायी समिति सदस्य तथा प्रवक्ता हेमन्तप्रकाश ओली ‘सुदर्शन’द्वारा लिखित दर्शनशास्त्रको इतिहास पुस्तकमाथि अनामनगरस्थित संवाद डबलीमा परिचर्चा कार्यक्रम सम्पन्न भएको छ ।

कार्यक्रममा वक्ताहरूले पुस्तकले ऐतिहासिक भौतिकवादी दर्शनको अध्ययन तथा नेपाली कम्युनिस्ट आन्दोलनको वैचारिक विकासमा महत्वपूर्ण योगदान पुर्‍याएको बताएका थिए ।

सीपी गजुरेल, समिर सिंह, प्रदीप ज्ञवाली, धर्मेन्द्र बास्तोला, जनार्दन शर्मा, आहुति, परि थापा लगायतले पुस्तकको महत्वबारे चर्चा गर्दै सुझावसमेत दिएका थिए ।

कार्यक्रमको अध्यक्षता दोर्जी शेर्पाले र सञ्चालन नवीन खड्काले गरेका थिए ।