अमेरिकी राष्ट्रपति डोनाल ट्रम्पले लेबननमा इसराइली सैन्य कारबाही तीव्र भएपछि इसराइली प्रधानमन्त्री वेन्जामेन नेतन्याहूलाई टेलिफोनमार्फत कडा चेतावनी दिएका छन् ।

अमेरिकी सञ्चारमाध्यम एक्सियसका अनुसार ट्रम्पले आक्रोशित हुँदै बेरूतमा थप आक्रमण नगर्न आग्रह गरेका थिए । ट्रम्पको दबाबपछि इसराइलले बेरूतमा योजनाबद्ध हमला स्थगित गरेको बताइएको छ।

ट्रम्प र नेतन्याहूबीच इरान तथा क्षेत्रीय सुरक्षा नीतिलाई लिएर लामो समयदेखि मतभेद रहँदै आएको छ। ट्रम्प वार्तामार्फत समाधान खोज्न पक्षमा देखिएका छन् भने नेतन्याहू इरानविरुद्ध कडा सैन्य कदमको पक्षमा रहेका छन्।

फोनवार्तापछि नेतन्याहूले भने दक्षिणी लेबननमा इसराइलको सैन्य अभियान जारी रहने बताएका छन् ।