बुटवल । अखिल नेपाल सुकुम्वासी सङ्घको दोस्रो राष्ट्रिय भेला सम्पन्न भएको छ । राष्ट्रिय जनमोर्चाका अध्यक्ष चित्रबहादुर केसीको प्रमुख आतिथ्यमा २०८३ जेठ ९ गते रुपन्देहीको बुटवलमा सो कार्यक्रम सम्पन्न भएको हो ।
सङ्घका अध्यक्ष तुलसि सापकोटाको अध्यक्षतामा अघि बढेको सो भेलाको उद्घाटन प्रमुख अतिथि केसीले गमलामा पानी हालेर गर्नुभएको थियो ।
राष्ट्रिय भेलालाई अखिल नेपाल किसान महासङ्घ (अप्फा) का अध्यक्ष भैरवराज रेग्मी, अखिल नेपाल युवक सङ्घका केन्द्रीय सचिव ठाकुर पन्थी, तराई मधेस जनवादी मोर्चाका अध्यक्ष बद्रे आलम, अखिल नेपाल बुद्धिजीवी सङ्घका केन्द्रीय सचिवालय सदस्य दुर्गानाथ खरेल, अखिल नेपाल महिला सङ्घकी केन्द्रीय सदस्य सम्झना पौडेल, क्रान्तिकारी सुकुम्वासी सङ्घका हिमलाल, सुकुम्वासी सङ्घका बाबुराम पन्थी, अखिल नेपाल सुकुम्वासी सङ्घका उपाध्यक्ष यमलाल तिवारी, राष्ट्रिय जनमोर्चाका केन्द्रीय सदस्य इन्दिरा ज्ञवाली, अखिल नेपाल टे«ड युनियन महासङ्घ (अन्टुक) का केन्द्रीय सदस्य नारायण पुन, कम्युनिस्ट सङ्ग्रहालयका अध्यक्ष चेतनाथ आचार्य र अखिल नेपाल राष्ट्रिय उद्योग व्यापार सङ्घका पूर्व अध्यक्ष ढुण्डीराज शर्माले शुभकामना दिनुभएको थियो ।
अप्फाका केन्द्रीय सचिव वीरबहादुर जिसीको उद्घोषण तथा सुकुम्वासी सङ्घका डम्बर केसीको स्वागत मन्तव्यसँगै भेलाको बन्दसत्र सुरु भएको थियो ।
भेलाले सङ्गठनको नाम परिवर्तन गरेर अखिल नेपाल सुकुम्वासी अव्यवस्थित सङ्घ राख्नुका साथै घोषणापत्र र विधान पारित गरेको अध्यक्ष सापकोटाले युगदर्शनलाई जानकारी दिनुभयो ।
भेलाले तुलसि सापकोटा (बाँके) अध्यक्ष रहनुभएको केन्द्रीय समिति चयन गरेको छ ।
समितिको महासचिवमा तारकबहादुर खत्री (नवलपरासी), कोषाध्यक्षमा डम्मर केसी (चितवन), सचिवमा विष्णु गिरी (नवलपुर), सदस्यमा दलबहादुर घर्तीमगर (दाङ), मानबहादुर सुनार (बाँके), बिन्तिराम चौधरी (कञ्चनपुर), नहकुलराज गिरी (काठमाडौँ) र कृष्णबम मल्ल (रुपन्देही) रहनुभएको छ । वैकल्पिक सदस्यको दुई स्थान रिक्त राखिएको केन्द्रीय समितिको सल्लाहकारमा उत्तम खरेल (नवलपरासी), राजकुमार चौधरी (……), दीप गोले (रौतहट), केबी घले (काठमाडौँ) र बद्रे आलम (रुपन्देही) रहनुभएको छ ।
नवनिर्वाचित समितिलाई अप्फा अध्यक्ष रेग्मीले शुभकामना दिनुभएको थियो ।
भेलाले अन्य सुकुम्वासी सङ्घसँग कार्यगत गरेर आन्दोलन अगाडि बढाउनुका साथै सङ्गठनको स्वतन्त्र पहलकदमीमा प्रमुख जिल्ला अधिकारीलाई ज्ञापनपत्र बुझाउने निर्णय भएको पनि आयोजकले जानकारी दिएको छ ।
