काठमाडौं । “सम्पूर्ण विद्यार्थीहरू एकजुट हौँ” भन्ने नारासहित ६२औँ विद्यार्थी दिवस विविध कार्यक्रमका साथ मनाइने भएको छ । संयुक्त विद्यार्थी संगठनको आयोजनामा हुने कार्यक्रममा प्रतिबन्धविरुद्ध प्रतिरोध गर्न विद्यार्थीहरूलाई आह्वान गरिएको छ ।

आयोजकका अनुसार कार्यक्रममा मार्चपास, रक्तदान तथा सांस्कृतिक कार्यक्रम आयोजना गरिनेछ । कार्यक्रम त्रिचन्द्र क्याम्पसदेखि आर.आर. क्याम्पससम्म मार्चपास गर्दै सम्पन्न गरिने जनाइएको छ ।

६२औँ स्थापनाद दिवसको अवसरमा विद्यार्थी संगठनले विद्यार्थी अधिकार, स्वतन्त्रता तथा शैक्षिक आन्दोलनलाई सशक्त बनाउन जोड दिइने जनाएको छ । कार्यक्रममा देशभरका विद्यार्थीहरूलाई सक्रिय सहभागिताका लागि अनुरोध गरिएको छ।

उक्त कार्यक्रम २०८३ साल जेठ १ गते आर.आर. क्याम्पस, प्रदर्शनीमार्ग, काठमाडौंमा आयोजना हुनेछ।