काठमाडौँ । नेपालका निजामती कर्मचारीहरूको ट्रेड युनियन अधिकारमा सरकारले प्रतिबन्ध लगाएको विषयमा प्रधानमन्त्री बालेनलाई विश्वका श्रमिकहरुको अन्तर्राष्ट्रिय केन्द्र विश्व ट्रेड युनियन महासंघ (डब्लूएफटीयू) ले एक पत्र लेखेर गंभीर रुपमा ध्यानाकर्षण गराएको छ ।
महासंघले शिक्षक, कर्मचारी श्रमिकहरूको संगठन गर्न पाउने, सामुहिक सौदाबाजी गर्न पाउने अधिकार सुनिश्चित गर्न सरकारलाई ध्यानाकर्षण गराउँदै नेपालका श्रमिकहरूको ट्रेड युनियन अधिकार स्थापित गर्न ऐक्यबद्धता प्रकट गर्दछ भन्दै पत्रमा उल्लेख गरिएको छ ।
विश्व ट्रेड युनियन महासंघमा नेपाल लगायत १३४ देशका ११ करोड श्रमिकहरु आबद्ध छन् ।
विश्व ट्रेड युनियन महासंघले नै अन्तर्राष्ट्रिय श्रम संगठन (आइएलओ) सम्मेलनबाट सन१९४८ मा श्रमिकहरूको संगठन स्वतन्त्रताको अभिसन्धी नं ८७, सामुहिक सौदाबाजीको अधिकार सम्बन्धि अभिसन्धी नं ९८ पारित गराउन वर्कर ग्रुपबाट नेतृत्वकारी भूमिका निर्वाह गरेको थियोे ।
