काठमाडौँ । राष्ट्रिय जनमोर्चा केन्द्रीय कार्यालयले संविधान संशोधनको सन्दर्भमा गणतन्त्र र राष्ट्रियता विषयमा अन्तरक्रिया गर्ने भएको छ ।

२०८३ वैशाख २६ गते शनिबार दिउसो बागबजारस्थित हार्दिक होटलमा सो कार्यक्रम आयोजना गरिएको हो ।

राजमो अध्यक्ष चित्रबहादुर केसीको अवधारणा प्रस्तुत हुने उक्त कार्यक्रममा नेकपा (मसाल) का महामन्त्री मोहनविक्रम सिंह, नेकपा (एमाले) का नेता प्रदीप ज्ञवाली, नेपाली कम्युनिस्ट पार्टीका नेता लीलामणि पोखरेल, नेपाली कङ्ग्रेसकी उपसभापति पुष्पा भुसाल र क्रान्तिकारी कम्युनिस्ट पार्टीका नेता सन्तबहादुर नेपालीले मन्तव्य राख्नुहुनेछ ।

त्यस्तै सो कार्यक्रममा अधिवक्ताहरू शम्भु थापा, डा. टिकाराम भट्टराई, एकनारायण भण्डारी र पदम रोकासँगै नेपाल ल क्याम्पसका प्राडा ज्ञानेश्वर पराजुलीले पनि सम्बोधन गर्नुहुनेछ ।