गल्कोट, बाग्लुङ । श्री लक्ष्मीनारायण आधारभूत विद्यालयको ४२औँ बार्षिक उत्सव तथा अभिभावक दिवस सम्पन्न भएको छ ।
गलकोट नगरपालिका वडा नं ९ को ४२ औं बार्षिक उत्सव तथा अभिभावक दिवस समारोह कार्यक्रम २०८२ पौष ९ ,बुधबारका दिन सम्पन्न भएको हो ।
बार्षिक उत्सव तथा अभिभावक दिवस समारोह गलकोट नगरपालिका वडा नं ९ का अध्यक्ष तेज बहादुर थापाको प्रमुख आतिथ्यता, विद्यालय व्यवस्थापन समिति अध्यक्ष बेदीलाल सापकोटाको सभापतित्व शिक्षक देबि खत्रीको स्वागत र उमाकान्त सापकोटाको सन्चालनमा सम्पन्न भएको हो ।
कार्यक्रमा अतिथि शिव मा.वि.का प्र.अ. हरि प्रसाद चालिसे, भैरव मा.वि. का प्र.अ.चक्रवती शर्मा, बिष्णु आ.वि.का प्र.अ.प्रेमसागर सापकोटा, विद्यालयका पूर्व प्र.अ.रामकान्त गौतम, संस्थापक सदस्य हरिलाल सापकोटा, शिक्षक अभिभावक संघ अध्यक्ष बिजुला सापकोटाले शुभकामना मन्तव्य राख्नु भएको थियो ।
यसै विद्यालयका संस्थापक अध्यक्ष इन्द्रमणी सापकोटाले काठमाडौँदेखि शुभकामना सन्देश पठाउनुभएको थियो ।
विद्यालयका प्रअ पुरुषोत्तम गौतमको प्रगति प्रतिवेदन विद्यार्थी शिक्षक र अभिभावकले विभिन्न प्रतिभाहरू प्रदर्शन गर्नुभएको थियो ।
