काठमाडौँ । जापान नेपाली एकता समाजका केन्द्रीय सचिव हेमलाल गौतम पितृशोकमा पर्नुभएको छ ।
८६ वर्षीय पिता गोविन्द गौतमको आज २०८२ पुस ६ गते आइतबार अबेर राति निधन भएसँगै उहाँ पितृशोकमा पर्नुभएको हो ।
नसा तथा छालाजन्य सङ्क्रमणबाट पीडित गौतम पछिल्लो समयमा त्रिवि टिचिङ अस्पतालमा उपचार गराउँदै आउनुभएको थियो ।
बागलुङ जिल्ला, गलकोट नगरपालिका–९ बरेखानी निवासी गौतम परिवार पछिल्लो समयमा काठमाडौँको वनस्थली क्षेत्रमा बस्दै आउनुभएको थियो ।
स्मृतिशेष गौतमको परिवारमा पत्नी, तीन छोरा र एक छोरी हुनुहुन्छ ।
गौतमको आज पुस ७ गते सोमबार पशुपति आर्यघाटको विद्युतीय शवदाह केन्द्रमा सम्पन्न भएको छ ।
दाहसंस्कार स्थलमा नेकपा (मसाल) का प्रवक्ता रामप्रकाश पुरी, राष्ट्रिय जनमोर्चाका केन्द्रीय सल्लाहकार आनन्द शर्मा, अखिल नेपाल महिला सङ्घकी अध्यक्ष मीना पुन, प्रगतिशील पत्रकार सङ्घका महासचिव प्रकाश थापामगरसँगै परिवार, आफन्त र शुभचिन्तकको उपस्थिति रहेको थियो ।
