काठमाडौँ । राष्ट्रिय जनमोर्चाका महासचिव मनोज भट्टद्वारा लिखित कृति “का. जलजला उपन्यासको विवेचना” को विमोचन भोली मंसिर २० गते हुँदैछ । पुस्तकको विमोचन नेपाल कम्युनिस्ट पार्टी (मसाल)का महामन्त्री का. मोहनविक्रम सिंहले गर्नुहुने छ ।
विमोचन कार्यक्रममा राजनीतिक व्यक्तित्व पूर्व शिक्षामन्त्री तथा नेपाली कम्युनिस्ट पार्टीका नेता दिनानाथ शर्मा, पूर्वपरराष्ट्रमन्त्री तथा नेकपा (एमाले) उपमहासचिव प्रदिप ज्ञवालीको उपस्थिति रहनेछ ।
त्यस्तै साहित्यिक व्यक्तित्व भाषा आयोगका सदस्य : डा. पुष्करराज भट्ट, प्रगतिशील लेखक संघका पूर्वउपाध्यक्ष : खेम थपलिया, समालोचक : डा. हरि सिलवाल, भारतस्थित गुहाटी विश्वविद्यालयका प्रोफेसर : डा. सृजना शर्मा, प्राज्ञ : बाबा बस्नेत, विश्वभाषा क्याम्पसका सहायक क्याम्पस प्रमुख : बलभद्र भारती, बुद्धिजिवी : भिष्म जोशीले राजनीतिक तथा साहित्यिक व्यक्तित्वहरूले सम्बोधन गर्ने कार्यक्रम रहेको भट्टले युगदर्शनलाई दिनुभये ।
भट्टका अनुसार कार्यक्रम काठमाडौँको बागबजारस्थित होटल हार्दिकमा दिउँसो १ बजे हुनेछ ।
