काठमाडौँ । प्रगतिशील पत्रकार सङ्घका केन्द्रीय सदस्य जुमानसिंह केसी राष्ट्रिय पत्रकारिता सम्मानबाट सम्मानित हुनुभएको हो ।
चौतिसौँ अन्तर्राष्ट्रिय अपाङ्गता दिवसको अवसरमा सञ्चार तथा सूचना प्रविधिमन्त्री र काठमाडौँ महानगरपालिकाका उपमेयर सुनिता डङ्गोलको हातबाट उहाँले सम्मान पाउनुभएको हो ।
२०८२ मङ्सिर १७ गते बुधबार आयोजित कार्यक्रमाझ आमसञ्चार माध्यमबाट अनवरत अपाङ्गता भएका व्यक्तिको सवाललाई उजागर गरी अपाङ्गता समावेशी विकासका लागि महत्त्वपूaर्ण योगदान पुर्याएबापत केसीलाई सम्मान गरिएको आयोजक राष्ट्रिय अपाङ्ग महासंघ नेपालले जनाएको छ ।
यस अवसरमा केसीले आफूप्रति सम्मान गरेकोमा धन्यवाद व्यक्त गर्नुभयो ।
उहाँले भन्नुभयो– ‘लामो समयदेखि अपाङ्गता भएका व्यक्तिको समग्र अधिकारको क्षेत्रमा काम गरेको तथा अपाङ्गताका सवाललाई सञ्चारमाध्यमबाट उजागर गरेको, सेवामा निरन्तरता दिएको भनी मलाई महिला बालबालिका तथा ज्येष्ठ नागरिक मन्त्रालय र राष्ट्रिय अपाङ्ग महासङ्घ नेपालको संयुक्त आयोजनामा काठमाडौँमा आयोजित चौतिसौँ अन्तर्राष्ट्रिय अपाङ्गता दिवसको अवसरमा सञ्चार तथा सूचना प्रविधिमन्त्री जगदीश खरेल, एन.एफ.डी.एन. का सङ्घीय अध्यक्ष देवीदत्त आचार्य र काठमाडौँ महानगरपालिकाका उपप्रमुख सुनिता डङ्गोलको हातबाट राष्ट्रिय पत्रकारिता सम्मानबाट सम्मानित गरेकोमा यहाँहरूलाई विशेष धन्यवाद प्रकट गर्दछु ।’
उहाँले यो हौसलाबाट आगामी दिनमा थप जिम्मेवारी र निरन्तरताको लागि मार्गदर्शन गरेको महसुस गरेको पनि बताउनुभएको छ ।
