मेघराज रिष्मेली, टोकियो ।
नेपाल पत्रकार महासङ्घ जापानको अध्यक्षमा रवीन्द्र श्रेष्ठ गोर्खाली निर्वाचित भएका छन् ।
जापानको टोकियोमा नोभेम्बर २३, २०२५ का दिन सम्पन्न महासङ्घ जापान शाखाको छैटौँ अधिवेशनबाट आगामी तीन वर्षे कार्यकालका लागि नेपाल सन्देश डट कमका प्रधान सम्पादक श्रेष्ठ अध्यक्षमा विजयी भएका हुन् ।
जम्मा ८६ जना सदस्य रहेको रहेको शाखाको मतदानमा ७७ मत खसेको थियो, त्यसमध्ये अध्यक्षमा श्रेष्ठ ४४ मतसहित निर्वाचित भएका हुन् ।
उनका प्रतिस्पर्धी राजन गौतमले भने ३२ मत प्राप्त गरे । श्रेष्ठ अघिल्लो कार्यसमितिको उपाध्यक्ष र गौतम सचिव हुन् ।
त्यसैगरी खुला उपाध्यक्षमा मनिषा चौलागाई निर्वाचित भएकी छिन् । उनले प्रतिस्पर्धी गोकर्ण अधिकारीलाई दुई मतले पराजित गरिन् ।
चौलागाईले ३० मत पाउँदा अधिकारीले २८ मत पाएका थिए भने उपाध्यक्षकै प्रतिस्पर्धी विनोद सापकोटाले १९ मत पाएका थिए ।
त्यस्तै महिला उपाध्यक्षमा लक्ष्मी पौडेल विजयी भएकी छिन् भन् सचिवमा अर्जुल लामिछाने विजयी भएका छन् । अर्जुन लामिछानेले ४५ मत पाए भने विश्वास आचार्यल ३२ मत पाएका थिए ।
महिला उपाध्यक्षमा पौडेलले ४५ मत पाउँदा सजिना मोक्तानले ३२ मत पाएकी थिइन् । अन्य पदमा भने सर्वसम्मति भएको थियो ।
नयाँ कार्यसमितिको सहसचिवमा विष्णुप्रसाद सापकोटा र फुर्वा शेर्पा, कोषाध्यक्ष भुलबहादुर राना निशान, सदस्यमा दिनेश थापा, दुर्गाप्रसाद आचार्य, भवानी भट्ट, भूवन भण्डारी, रामचन्द्र गिरी, विनोद ढकाल सर्वसम्मत चयन भएका छन् ।
